請問有無人知彩盈村5座樓,
1) 是否每座都有2-3人(即2人住的)單位呀?
2) 是否只是少1房單位的廁所後個一間房呢?
3) 廚房和廁所是否與1房單位一樣大?  
4) 是否都有角窗呢?
5) 我可否申請兩老(現住彩虹村)調遷來彩盈, 如可, 如何申請呢?

唔好意思甘多問題, 唔該各位知道的街坊幫手解答我的疑問.

以我所知, 盈富, 盈康, 盈安三座樓既單位係一樣既, 盈樂就同盈順一樣

1) 是否每座都有2-3人(即2人住的)單位呀?>>>應係只係盈富, 盈安同盈康三座樓先有 2-3人既單位.  即係尾房有角
窗個d.

2) 是否只是少1房單位的廁所後個一間房呢? >>>你講既一房單位係唔係即係3-4人住個隻呀.  係既話, 你無講錯, 係少左廁所後面個間房.

3) 廚房和廁所是否與1房單位一樣大? >>> 以我所見, 盈樂同盈順既3-4 人單位廚房廁所應該等同盈富盈安盈康既4-5人單位一樣大, 盈富盈安盈康既2-3人單位既廚房係細少少既.

4) 是否都有角窗呢? >>>盈富盈康盈安最尾有角窗單位都應該係 2-3人單位.

5) 我可否申請兩老(現住彩虹村)調遷來彩盈, 如可, 如何申請呢?>>>呢個我答你唔到


我知咁多就答你咁多啦, 我有錯既就麻煩其他街坊幫忙補充一下喇

珍珍真係好細心, 你不在本村住都甘了解, 我好慚愧呀!!!
唔該珍珍((((((((((((((((((((((((((
第5點睇黎要問卓卓啦!

死, 咁係唔係我講多左搞到你慚愧呢

其實係之前有參加過觀光團, 睇過下.  又有人講過下, 所以咪知咁多囉.  最緊要幫到你,

其實第五個問題, 你可以試下叫你屋企兩老去社署個邊問下睇下幫唔幫到.  好過正式去問房署.