|
心情動態：
來自彩盈邨 |
原帖由 灣仔小子 於 2008-12-12 17:32 發表 如果個人真係跌腳，其實個窗框根本無可能承受到咁重既人加下墮力，如果俾我見到一定打電話去勞記舉報佢！ 提埋其他街坊，如果有機會搵人返黎咁樣裝野，一定要佢條繩綁番去永久結構果度。 如果大吉利是條友真係出左事，間屋既佔用人（租戶）係有刑事責任架，要坐監架！ |
||
|
|
|||
|
心情動態：
來自彩盈邨 |
摘錄自小弟既Blog，同大家分享下！（加上我又懶唔想再打咁多野呢！
 ）今晚返學係學校既壁報板見到下邊果兩張相，所以我影左落黎！ 講真，做左咁多年地盤，做過測量墨斗，做過管工，到而家做安全主任，下邊呢張相既行為，我真係見過唔少！仲試過以身犯險添！  只不過當時職位唔同，睇法及做法都唔同。 做墨斗時，唔夠高彈墨，又唔想搵通架搵梯，心諗好快搞掂o者，所以就叫部掘泥機埋黎，好似張相咁做啦！（而家諗番都抹一額汗！） 做管工時，唔覺呢個行為危險，只係一心諗住叫D伙計快D搞番掂，繼續開工。（而家亦都要抹多一抹額汗！） 而家做安全主任，俾我見到咁？佢就大乜鑊啦！俾我罰錢、趕出地盤就梗架啦，如果唔係就新聞啦！（都要抹一額汗，因為一定要快過勞工處見到！） 所以諗番好似之前既Blog所講，真係要視乎自己係邊個位置，跟住就要做番自己本份，對住唔同既人或事，就要用唔同既方法！ . . . . 至於下邊呢張相，更加難得一見，攝於一九八零年，距離而家足足廿八年！見到果D叫做「繩凳」，又叫做「韆鞦凳」，主要做外牆油漆用（如圖），因為好似韆鞦咁，得塊板加兩條繩咁，所以就叫做「韆鞦凳」啦！  相信都好少人會知係咩架，新一輩既安全從業員就更加未必知啦！而家就等我講少少關於呢種叫「韆鞦凳」既野啦！起碼知道之後，都唔會俾D工人大番轉頭嘛！哈哈！ 用呢種凳，工人要由天台上凳，一路油落到地面，只係靠工人自己操控條繩。要定係度既時候，就將條繩綑係一個裝置度。要下降就放鬆條繩，就會下降啦！ 而家基本上唔會再見到呢D「韆鞦凳」架啦，因為好多年前已經禁止用，原因都唔駛多講啦！完全無任何安全裝置，只靠果條咁既繩，萬一個工人向後埃、條繩斷左、下降果時跣手、或者定係度果時個裝置失靈，就會成個人飛左落街架啦！ 點解我想講呢張相？因為細個既時候，就係成日見到對面樓用呢D「韆鞦凳」翻油外牆啦！果時覺得好得意架，係咁高位置打韆鞦，一定好好玩o者！哈哈 係現今香港唔會再見到呢D雜技架啦，今晚俾我見到呢張相，都算係一種回憶呀！ |
||
|
|
|||
|
心情動態：
來自彩盈邨 |
|
||
|
~~~請到我的家~~~ 記住留言喎~~~http://www.babyhome.com.tw/katrinalo
|
|||
