議員，其實可以把26M總站延長至彩福嗎？咁變了多個選擇

居民唔出席開會有咩問題?
你估個個都好似你地咁
咁有時間同精力投放係條村度?

我相信我投票比議員，就係要佢代我發聲
唔需要下下都要我地出埋聲

如果人多真係有用，不如睇下我地住左幾萬人之後
運輸署做過D乜?

根本運輸署同九巴都當我地唔存在個陣
我地去開會，開完會，又係乜都無，一次又一次失望
依家根本就唔再有任何幻想

人地只會覺得你地下下借居民過橋，做show乍

6部巴士剩係做觀塘區內，又可唔可以研究下，有6部巴士剩，有無其他更好用途?

我當6部車，14B上樂華加1部車，23M上彩褔，加1部
剩低既4部車已經可以開彩褔<>旺角啦

如果議員同政黨可以投放多D時間研究下28A/224M呢6部車可以點用，我無問題喎
但係議員一開會就只係一句贊成就算，譚議員都叫做有關注下彩褔去九龍灣車程長問題

樂華區議員更講明新28A對佢地無用添

議員亦都有話，唔可以不負責任，話唔要就唔要，呢個我同意，不過..
但其實好多區議員，都未必一開波就接受人地比既野，有咩唔好就係議會上講清楚，叫運輸署修訂方案

就好似九巴40改行龍翔道，麗港城區議員都唔贊成，話無車去九龍城個陣
搞到成個觀塘區無特快巴士往返荃灣個陣
區議員係要做足把關角色


講咁多野，為咩?次次都係討論完，又返到起點

剩係識得叫人去開會都無用啦，我地既對手、運輸署同九巴，做過D咩?
我地憑咩相信佢地，佢地真心想改善我地條村服務?

時間就證明一切，如果年尾有28A，出年有其他線，我封口又無所謂喎
但如我地無其他巴士線，呢個責任一定有人要負責

你地同佢傾28A個陣，唔可以一次過傾埋跨區交通咩?
一次過解決晒區內、區外交通問題，好過解決左一半，另一半依然遙遙無期

九巴有錢唔賺,冇野既,益MTR,紅小,真係唔方便既,益埋83A