轉載編 :

話你知一個超絕的方法，就係浸海水啦。

你去沙灘玩時，順便游下水，玩下水，浸幾個字時間就得啦。我以前生左成腳雞眼，好多粒，有大有細，咩藥水膠布都試過冇用，成幾個月都吾好。有次同fd去石澳玩，浸完咸水後，第日返屋企，發覺全部由透明色變成黑色，用手一掃，全部甩晒。依家我阿媽隻由１９８ｘ年生成，直到依家都仲係度的雞眼就係被海水浸到死左。不過請注意，如果隻雞眼係細的，浸一次（大概都係幾個字時間啦）就應該死啦。如果係好大，好深的，都係浸幾次都死啦。不過佢死左，細的可能會即時甩左，大的可能要等多１－２星期先甩，因為等ｄ肉生返上黎，推走粒死左的雞眼。當你見到粒雞眼變左黑色，甘恭喜你，因為佢已經死左，甩出來只係遲早既事。

呢個方法係我無意中發現，醫生都吾識。當時醫生只係識俾藥我搽，俾止痛藥我食，同埋叫我排期批腳（但講到明話批完後仲會再生，要keep住批。俾佢激死）。呢個方法一定work,吾好睇少海水這免費又取之不盡的東西，好有效的。你自家制的鹽水係遠遠比吾上的。總之海水係勁屈機，雞眼死梗甘滯。不幸生左雞眼的人，不用再怕了，可以寓醫病於娛樂，去沙灘玩玩下就能搞掂佢。（吾得閒成日去浸，可以帶２樽水返屋企浸咖。）

（自己以前生到成腳底都係，行路真係超痛。依家好返，希望講出來可以幫到受困擾的人。）

我都有粒千年雞眼...之前整死左一半...死唔哂..
聽你咁講...我想整死埋佢都仲有希望wor @0@ thx la

我魚缸D人造海水吾知得吾得呢??
不如俾水水你試下, 吾駛專登行去海邊呀~~