【明報專訊】就讀中四的錢同學，還未換去校服，昨午就在街頭與兩名同學在街頭「煲煙」。年紀輕輕，吸煙已近兩年，他為自己染上煙癮解釋：「讀書好大壓力嘛﹗又成日要考試，食煙減壓……朋友食，我咪一齊食囉﹗」他現在每日平均吸食2至3支煙，如果假日和朋友消遣，可能一天「燒」去半包。他說，受朋輩影響，一直欠缺戒煙動力：「成班朋友都食，無人話想戒！」

為了維持每周購買1至2包香煙的花費，他與友人會在課餘時間，到附近的麥當勞快餐店做兼職，幹5至6小時，一天可掙取約120元。錢同學說，若每包煙加8元，對仍是學生的他負擔實在太大：「當然貴啦﹗現在已經好貴﹗唯有食少一點，每日食少一兩支。」對於政府今次加煙稅，他晦氣說會索性戒煙：「長遠唯有戒煙，『食唔起』﹗應該多謝財爺，他即是逼我戒煙。」

徐先生為保險從業員，吸煙已10年，32歲的他得悉大加煙稅後說：「一開始吸煙時，只不過10元一包，現在加到這樣貴，每日食半包，一個月要花費幾千元……加上近來經濟不好，收入受影響，更加要節省一點。」他指自己已踏入中年，開始注重健康，現或是機會「強迫」自己戒煙過健康生活。

吸煙40年難戒 煙民斥搶錢

煙齡超過40年的曾先生，年過六十，他指政府無論怎樣加價，亦絕不會考慮戒煙。他激動地說：「我食煙40年，你叫我點樣戒！加幾多我都唔會戒！」他直言，以他的年紀，已不會考慮健康問題，「反正都咁多病痛，係咪戒咗可以保證我唔會死？」他批評，對基層人士來說，若每包香煙加稅8元實在「太過離譜」，指這些措施等同「欺壓弱者」：「要食嘅人始終都要食，咁即係搶錢！」

我覺得係好事喎,起碼對青少年黎講,加稅會令佢地戒煙

中四的錢同學......

可以話係好事, 好多人都係' 的唔起心肝 '去戒煙, 籍住今次機會, 同香煙講bye bye啦!!!  同時又可以令自己身體好d, 對你身邊既家人&朋友都有得益架!!

不過d走私煙可能又再一次大量出現在市面,反而對私煙有利.

;