呢d叫做卜泥,我而家住緊呢度之前成個天花板都好多
你唔好用漂水,漂水愈整愈多,隔1-2日後又走番晒出黎,你可以用普通酒精慢慢抹下先,切記唔好諗住慳功夫用拖把一次過抹,我就係第一次中晒招,一拉個拖把即刻出晒卜泥死屍因拖拉而出現既痕跡,如見有霉菌既地方請比多d心機抹多1-2次,因為卜泥係食呢d霉菌,有卜泥即係証明你d天花同牆既防水做得唔夠好,入面已經受潮
然後你可以去一d有賣化工產品既五金舖買枝x寶綠水差唔多樣既"事必得SPECTRUM"按比例溝清水重新抹一次成間屋d牆同天花就可以架啦
由於每次用量都好少,所以剩左既可以留黎拖地,抹傢俱同洗衫都得,去漬效果唔錯。
溫馨提示
...用"事必得SPECTRUM"一定一定要帶手套,唔係因為佢會"拿'手,而係會成手好滑潺潺洗極都唔乾淨
...如果唔想再受卜泥既侵擾,記住記住開完冷氣唔好第一時間開晒d門窗,空氣一冷一熱會令牆面產生水氣從而滋生霉菌