香港First Lady梁唐青儀女士怒罵蔡子強，說到憤怒時雙眉彎如鐮刀，配合螳螂拳的「括號」手勢，完美示範如何將PR stunt迅速變PR crisis。大家群攻特首夫人的外貌、語氣、造手，有朋友在社交網站留低一句「女人生咗幾件，到呢個年紀未死得住，可以有幾好樣？」
特首夫人這種嘴臉其實有幾稀奇先？香港專盛產「乜太」，特點是：醜、聲大、倀雞、有錢。金融界都充斥為數不少的「乜太」，如特首夫人一樣巴巴閉閉、招搖過市。咪以為她們叫得做「乜太」就要靠老公，事實上很多乜太自己本事，老公亦只不過是她們的佈景板。
以乜太A做例，眾所周知她與丈夫在金融界長袖善舞，經常恩愛地出席不同場合。乜太A娘家猛料，老公雖然在公司的title比太太高，但全宇宙都知乜太A才是person-in-charge。公司員工成日睇住乜生在公司被乜太怒抦。據聞一次乜太A在外來訪客前鬧老公，怒問：「信唔信我而家喺呢度（中環某甲級寫字樓）掟你落街。」老公笑向在場訪客打圓場：「乜太講笑啫。」但訪客就唔敢笑囉，驚自己都會被掟埋落街。
寄語特首夫人：既然型格適合走打女路線，就不要在鏡頭下扮哭，要強就強到天腳底。還有換走你的化妝師，眼線不是這樣畫，頭髮蓄短更適合你。
何淑茵