有調查發現,擁有囝囡嘅父母卡數欠款額,比無囝囡嘅高13%,父母為保留多些現金作子女開支,未能還清卡數,最嚴峻的欠款高達100萬元,還款期長達10年以上。唔想做「卡奴」,卡數越滾越大,一定有辦法!
1.準時找卡數,唔好淨還Min Pay
卡主每月只還部份信用卡欠款或最低還款額(Min Pay),卡數總結欠就計息,留意信用卡實際年利率(ARP)平均高達24%至36%,以複息逐日計息。假如再有新簽賬,冇免息期,卡數越滾越大難收科。
2.開自動轉賬戶口 找卡數好Easy
為免卡主遲還卡數,可以開設多一個自動轉賬戶口,每月定時把卡數準時清。
3.Cash is King!信用卡賬戶存入現金
卡主可直接向信用卡賬戶存入現金,幫自己消費設限,又可以避免遲還卡數。
4.冇錢…都要碌卡 仲有「分期定額」還款
多數銀行均提供私人貸款結餘轉戶計劃,卡主可以「分期定額」還款。注意!卡主要留意計劃提供嘅優惠利率、還款期限及每月還款額。
5.先使未來錢 消費開支設預算
申請信用卡、碌卡咁方便,應避免「先洗未來錢」習慣,制定消費預算。
VickYeung 發表於 2014-11-15 09:41:32 原文
現在太多地方消費了,出街食飯,睇戯,電子產品,去旅行,又要供樓,比子女參加興趣班,供養父母。其實生活可以好簡單,行下山,自己整下野食,省錢之餘又可以減壓,享受生活。