一連五日復活節「紅假」結束，想到要爬起身返工就頭暈暈又無力，原來叫做「假期症候群」，成因除了生性懶惰之外，還可能因為你放假玩得太盡興，變成「攰過返工」。醫生就話，擺脫「假期症候群」，最緊要調整心態、飲食及睡眠時間。

精神科專科醫生麥永接向《蘋果》表示，外國有調查指約三分一打工仔有「假期症候群」，生理徵狀包括感到昏昏欲睡、胃口欠佳、腸胃不適、肌肉痠痛等，心理方面就會感到焦慮、難集中精神、易累等等，好多人返工三兩日後慢慢進入工作狀態，如果你「無離心機」成個星期，就可能要注意是否工作壓力太大。

不想被「假期症候群」影響，麥永接醫生話放假就應該真正休息，不要夜夜笙歌，食無定時，如果去完旅行返工，可以開心share照片同手信，等自己延續開心心情，其他方法包括注意飲食、適量運動，以及多多休息。綜合網上資料同專家意見，有以下6招：

（1）一日之計在於晨，早15分鐘起身，調整心情、做足準備至返工。
（2）適量運動令人更精神，可以快步行路約20分鐘。
（3）如果你有吸煙習慣，最好戒煙，因為吸煙阻礙氧氣輸送，容易令人疲倦。
（4）飲食要定時同適量，放假期間日食夜食，開工後可以食得清淡點。
（5）沖涼尤其是熱水涼可以令人放鬆，因為可以清除身上汗水污垢，令毛孔與汗腺恢復暢通，增強血液循環，紓緩疲勞。
（6）放假期間玩得太盡，假後返工前應該多補眠，返工後如情況許可就小睡片刻，半小時已經令你精神飽滿。

仲慘過星期一症候群

好攰

返工後如情況許可就小睡片刻

我還有幾天假期,下星期到我(假期症候群)