可以試下咁樣假設,
今年新落成公屋好似話得9仟個左右,
計死數非長者單身8%,即係今年唔會超過720個派俾非長者(明年開始才加至2200個,當然又係冇可能派足,假數一條!)
而長者單身1.7年上樓呢條隊亦已經估計過萬人了.....
長者及家庭優先上樓的話,
呢720個一人單位會全數撥入長者上樓,亦即係話,我哋非長者上樓的機會....大家心中有數吧!
點解新計分制上樓分數會到接近480分咁濟!
我哋喺度試下推一推D數字,
一個或好多個沒頭沒腦的後生仔女,一到18歲就入紙非長者,
19歲9分一年12分,480分即係要等40年左右,60歲才派屋即係變相唔俾公屋您哋呢班後生仔女!呢點所有人都明白!
香港公共房屋政策已經接近60年,當年的超級大火間接導至公屋的出現,
而家40年樓齡以上的公屋好似有成廿幾個屋邨,而呢廿多個高樓齡屋邨估計五份一單位或以上係獨居長者,獨居原因仔女大咗結婚搬走,甚至另一半亦百年歸老....
呢D邨如果陸續重建,就會有為數不少的長者搬出,獨居長者重新入住的新單位冇可能係四人大單位.....二至三人甚至係我哋非長者申請緊嗰D一人單位就較合理!
而家長者單身申請人已接近過萬人,重建舊屋邨又會有大量獨居長者重新入住細單位,而且40年樓齡或以上呢類舊型屋邨一定會續步重建,舉例華富及漁光.....
而家一座三十幾四十層新公屋又有幾多個一人單位呢,一年一萬伍仟個新公屋內一人單位有多少個真係有數得計!
好懷疑?.....其實都唔需要點樣懷疑,長者及家庭申請人優先上樓的政策下,幾乎可以肯定長者與非長者所派的公屋單位是重叠.
審計署早前亦公佈過,長策會的十年建屋計劃,公營房屋方面最終仍然欠4至5萬個單位的土地!死未?
再睇番新計分制以接近480分.......就係長者與非長者單位重叠之下計算出來的非長者上樓分數!
唔明可以再講得明D,長者單身有一萬人左右,50歲以上非長者單身亦有一萬人左右,40年以上樓齡的舊屋邨需重新安置的獨居長者更是數以萬計.....
政府,房署,房協及長策會佢哋入面根本就知道公屋呢一個"生命體"已經步入老年化,
政府,房署等部門已經無能為力........本帖最後由 babydog 於 2015-04-22 01:10:20 編輯
