最大嘅希望係減輕病情嚴重性，想喺世上睇多啲嘢！」雖然，他不是劇集「衝上雲霄」的機師，肩負將乘客安全送到目的地重任，但曾任機場保安員的褚伯，同樣守護過不少港人旅客，也在當年狹小的啟德機場見盡中外旅客，可是近年雙眼先後患上黃斑病，現時視力僅餘一米，他只有個簡單願望，就是治好雙眼，用餘生好好看清楚這個世界。
記者：馮詩媚
73歲的褚伯，自1988年在已消失的啟德機場任職保安員，在閘口見盡悲歡離合，前港督回英述職，他有份護航上機：「嗰日我企喺頭等機艙入口，有架Benz駛到飛機旁邊，有位外國人上機，原來係港督衛奕信。佢好隨和，唔係搭私人飛機，亦冇特別房間，同其他乘客一樣。」
見過大人物，亦遇過突發事件：「有人報警話機上有炸彈，要疏散幾百個乘客，仲要立即安排佢哋去安全位置，人多自然亂，驚佢哋心急跌倒，好彩嗰次喺虛報，冇人受傷。」
在啟德做了7年，因得知機場將搬到大嶼山赤鱲角，他擔心返工不便辭工，將畢生積蓄和朋友合資在葵涌開大排檔，卻因生意不景，1年後「執笠」；輸了身家，他未有氣餒「蝕咗都冇辦法！不過就返唔到機場做，轉去地盤做保安。」惡運由此接二連三，2000年某日，他正在地盤工作：「當時上樓巡查，點知扶手鬆脫，我由3米幾高跌落地，腎出血瞓咗幾日深切治療部。」
康復後，褚伯繼續工作，5年前右眼視力突然轉差，更常常感覺右眼發脹和通紅，檢查發現患上黃斑病，當時本報曾他籌得治療費用；近月他剛割除大腸瘜肉，又發現左眼患上黃斑病：「十萬個人只有一個會有呢個病，嗰個就係我！一米以外嘅人，眼耳口鼻我都睇唔清楚。」他更懷疑，眼疾是他第一份工的後遺症：「以前喺化工廠做電解石灰工人，每日工作8個鐘，其中一個過程，約每2小時10幾分鐘，用高電壓溶解電石，提煉風焊用燃料，喺提煉期間會發出3千幾瓦電極光(一般家用慳電燈膽約5至20瓦斯)，醫生話有可能係眼疾源頭。」訪問中，褚伯常說眼疾是絕症，但他仍樂觀展望：「做人應該抱住一絲希望！」
現時太太到親友家當家傭，平時只得褚伯一人在家，靠著3千多元綜援吃飯﹑交租及支付中西醫藥費，但他引述醫生指，左眼必須動手術，建議他可選擇3萬至4元的眼針治療或光動力療法，為求回復視力，褚伯希望獲捐助做光動力療法手術醫治，讓他看多點世界。
「蘋果日報慈善基金」在「褚伯」首次發病時，已從S0003「醫療專戶」撥款約8,500元助他右眼的首針療程，惟近期左眼惡化，有待善長繼續發放愛心支持褚伯治療。
「褚伯」捐款編號：C2868
網上捐款：http://bit.ly/1nQRthE