▲ 神探Arthur Brand
【藝術號外】「我地係警察總部外食咗支煙,條友仔知道自己將會被逮捕,而且發現佢身上無錢。佢於是問我借啲錢等佢被拘留時可以買啲食物。我俾哂我身上僅有嘅35歐元佢。我地互相擁抱之後,就攞住一個袋住被盜藝術品嘅爛膠袋行咗入去…」
好似偵探小說嘅情節,但係其實係現實生活中嘅著名藝術偵探Arthur Brand嘅日常。Arthur屢破奇案,揾到唔少被盜藝術品,其中最得意傑作係係舊年揾番希特拉係1939年委託雕塑家Josef Thorak為新帝國總理府鑄造的兩隻銅馬,係搵番銅馬之前,全世界都以為呢件藝術品已經係二戰中被蘇聯紅軍摧毀咗。
▲ 希特拉的銅馬
Arthur最新搵番嘅係七年前係荷蘭博物館,被幾個蒙面槍手搶走嘅兩幅名畫:達利嘅Adolescence同埋波蘭藝術家Tamara de Lempicka嘅La Musicienne。係呢七年間,兩幅畫被轉手十次,最後落入一個犯罪集團手上。經過九個月談判之後,犯罪集團終於同意歸還作品,但條件是不被追究法律責任
▲ 達利的Adolescence
▲ Tamara de Lempicka的La Musicienne
Arthur話要追蹤失竊藝術品係一件好難嘅事,黑邦會毫不猶豫咁毀滅作品等警察無證據,而藝術品係黑市轉手亦非常之快。Arthur經常要同黑幫交涉,要佢地將藝術品交番出黎。
Arthur原本係藝術歷史學家,由2002年開始兼職當藝術品偵探,因為屢屢破奇案而多次揾番失竊藝術品,被人叫佢做「藝術界奪寶奇兵」。但係佢自己就話佢嘅工作無乜特別,只不過係係黑邦同警察之間建立溝通:「佢地唔係有理無理就殺人滅口嗰啲人黎嘅,但係如果我不守承諾,我都唔會有好下場囉」。
想睇更多藝術資訊?Click入去
TumTum.hk 嘅FB
TumTum.hk嘅網站