近排我哋有行家收到依啲假$500,依啲「練功券」同真銀紙有8成似,質地都似,只係印住「練功券」(啲衰人仲用塗改液塗埋啲字!)。佢寫就住寫住「票樣、練功專用、禁止流通」,但「有心人裝無心人」,有時啲人摺住畀埋嚟就係搏你睇唔到。
「練功券」本身係大陸銀行用嚟訓練銀行職員「數銀紙」嘅道具,等職員練數銀紙嗰陣唔使用真錢。啲騙徒就係貪佢哋做得夠似樣,就拎落香港當真錢用。
有時一個人睇檔,兩三個客一齊來問野問野,分身不暇就出事,一張假銀紙咁就兩日白做,真係想追都追唔返!
提提大家,喺香港唔理係「行使」抑或「保管或控制偽製紙幣」都係犯法!就算大家不幸收到,都千祈唔好諗住洗咗佢就當唔知!一定一定要報警處理!
全港報販大聯盟