sherrychan 當前離線 X
心情動態: 來自啟晴邨 |
離家出走自生自滅三日兩夜劏房地獄之旅
轉自 Naveen Ma
https://www.facebook.com/photo.p...98.526731631&type=1 二人世界探險旅行記: 2015年8月10日 假期快完結了,黃昏時,我心血來潮問大女,不如我們兩個 人去探險旅行好唔好? 結果家姐9秒9執拾好行裝,可以出 發了。當晚10pm,我們便出發去二人世界探險旅行。 因為家姐為人好食懶飛、食米唔知價、又無上進心、讀書又 唔專注, 所以我特別設計了這個離家出走自生自滅三日兩夜 劏房地獄之旅比家姐。 到步後講規矩: 第一,模擬家姐中學畢業後,搬離屋企自立的情況,所有支 出都由家姐自已負責; 第二,用讀書溫習代替工作,時薪$50; 第三,要食飯前先要賺夠錢; 第四,基本房租每日$110。 第一晚,11pm,家姐要先溫習半個鐘,賺到$25。可 以去夜街, 到麥當當食了宵夜,仍然未有任何危機感。 第二天一早9am起床,雖然好肚餓,但必須要先溫習1小 時, 賺到錢才出發。結果除了$24早餐外,還買了一支鉛 芯筆、擦膠、一份報紙, 結果所有錢用完了。 要食午餐,要先讀報2小時,賺到$100便出發食飯。 兩 個人兩份下午茶要$72,因為家姐己經識賺錢,所以我要 她請食飯。 衰妹十分驚訝,受了很大打擊,久久未能接受要 照顧爸爸這個事實, 代表終於知道揾食艱難。 午餐後又要為晚餐做準備,期間家姐有幾個想法都幾有趣。 節錄如下: 家姐:我去約嫲嫲食飯,嫲嫲會請我。 我答:No,你識賺錢,應該妳請嫲嫲食飯。 家姐:甘我唔去啦。 家姐:我讀書時,是但讀有冇錢? 我答:有,但永遠都只有$50時薪,永遠冇乳鴿食,冇甜 品食。 家姐:我想返屋企。 我答:呢間劏房就係妳屋企。 家姐:我要返本來個屋企。. 我答:那個是我屋企,妳住割房的$110租金都冇,怎樣 能住我間屋, 我屋企每日要$800租。妳每日要做16個 鐘先夠交租; 但仍未包括其他生活費及什費開支! 家姐:怎樣才夠? 我答:妳要住大屋、有工人、有wifi、有牛排食等等, 每日要賺48個鐘錢先夠。簡單講就是每一日要返二日工才 夠。 家姐大笑:如何一日返兩日工? 家姐:(極細聲)我好掛住媽咪! 我答:我都好掛住silver仔 當睌我約老婆一齊食飯,家姐聽到後很雀躍。 之後我們一家 4口到了一間中菜館食晚餐,家姐突然面色一沉, 坐底後再 看看餐牌,約$88一個小菜, 家姐突然雙眼通紅說:「點 解食甘貴!我唔食啦,我唔食我唔會夾錢!」之後終於忍不 住, 攬著媽媽哭訴如何被爸爸虐待、要賺錢先有飯食、又要 交租......哈哈, 終於知道賺錢辛苦,每一個錢都有 血有汗了。 3日兩夜,期間為了減少比電費,自已主動關冷氣;為了減 少飯錢, 只吃了兩件蛋卷。一直糾纏到足夠支付所有拖欠的 房租錢為止, 還有一小時,便可以放家姐回家了。 3天租金$330,已經要減少一次午餐支出,捱到下午3 點鐘先收支平衡。 最後我同大女講,這種生活,是每星期7 天,無得休息,直到妳老死; 如果要改變,不能再用勞力賺 錢,要用腦力賺錢。 我6歲的細女好似好明白,但10歲的 大女唔知有冇聽入腦。 離家出走自生自滅三日兩夜劏房地獄之旅 完. 後記: 我真估不到,這篇文章在短短兩日內竟然有1000個li ke,及差不多700個分享。 每個父母都想兒女成材,但我更重視子女的品德教育。 做一 個有愛心的窮人好,還是做一個奸狡的富人好? . . . 我教女兒要做一個有愛心的富人。 傳統的香港教育只是迫大家活在框架內,沉悶又枯燥,根本 是創意的屠埸。 而今次劏房之旅只是針對大女所設計的其中 一個磨練, 希望以後每一個長假期都會挑戰一下我的兩隻小 魔怪。本帖最後由 sherrychan 於 2015-08-15 11:29:51 編輯 |
OH YES IT's FREE 無人駕駛自助傢俬徵送
新界2, G124xxxx, 08 年入表,審查2次時間唔記得,3次不受歡迎屋,2次寶田,13轉市區,^_^竟然得左 啟晴.
|
|