「業x鋼閘」唔掂, 偷工減料 #鋼閘#趟閘#鐵閘#居屋#公屋
「業x鋼閘」千萬唔好幫襯,個鎖膽有問題,偷工減料,令我多年開關鋼閘都有問題,直至換鎖後。
「業x」千萬唔好幫襯,個鎖膽有問題,偷工減料。。。係劣貨,俾5成料,冇十足貨。。。舉例:正常貨有10cm闊;「業x」劣貨只有5cm闊。。。事因:我大概200x年左右換公屋鋼閘,幫襯旺角搵「業x」,一路都覺得插鎖匙開鎖時唔順,回彈怪怪地,初時以為係加配既鎖匙唔好用,以為配匙師傅唔掂。。。跟住又以為鎖膽唔順要唧油,跟住我無論定期加W40,或者係雪油,都係問題持續。。。久唔久就發生開鎖後,鎖冇回彈,掹唔走條匙,或者係鎖唔到鋼閘,要暴力扭扭掹掹先攪掂。。。直至有一日,條匙終於點整點掹都掹唔出,鎖唔到鋼閘,重要係夜媽媽,十一點幾,要急call人嚟整鋼閘鎖,洗左千幾蚊。。。換鎖師傅帶拉釘鎗及手提燒焊機上嚟,整開掩板,我終於明白點解多年嚟把鎖唔順啦!。。。原來「業x」既鎖膽脷只得一半,而換鎖師傅帶嚟既鎖膽脷係「業x」既一倍。師傅手上既所有鎖,無論係耶魯Yale鎖,或者係英國鎖,台灣鎖,國產鎖,都係有十足長度既鎖膽脷,唯獨「業x」既鎖膽係一半闊及長。。。(抱歉,因為我唔係內行人,而且當日太夜,所以冇影太多相,冇影清楚兩隻鎖膽既分別。。。我盡我所能講明白俾大家,希望大家唔好再有我呢個煩惱,所以我頭先特登行出門口影鋼閘牌子+我名俾大家確認。)