公共屋邨驚現麵包陣？有網民於社交網站上載一張相片，指她日前於利東邨一大廈的後樓梯，赫然發現神秘「麵包陣」。貼文隨即惹來網民熱烈猜測！
從相片可見，有6塊方包分別被人放置於不同梯級、靠近牆壁的位置，排列異常整齊，儼如一個「麵包陣」。
發貼者其後接受《港呢啲》訪問時表示，當日在32樓後樓梯處，發現有麵包已即時代為清理。她更透露，「有街坊話個陣已經擺咗幾日，雖然平時都有人喺後樓梯亂丟雜物，但就第一次見到咁奇怪嘅情況」。
不少網民對「麵包陣」嘖嘖稱奇，「明顯係好刻意，而且有目的去擺」、「擺得好齊整」、「係咪擺風水陣」。更有住在附近的網友稱，其家門外近日亦「離奇」被人放置一個發泡膠盒。亦有網民表示，「明明七月十四都過咗，唔係咁邪吓嘛」。
負責管理利東邨的康業服務有限公司，回覆《港呢啲》查詢時表示，「麵包陣」已即時清理，過去亦未曾發生同類事件。
