短片：
https://video.appledaily.com.hk/...news_50_v1_240p.mp4
受鉛水問題困擾的公共屋邨再受食水安全問題困擾！繼上周紅磡邨居民，獲承建商安排換喉後，發現家中水龍頭隔篩出現藍白色不明雜質後。同樣由中國建築承辦的啟晴邨，有居民於今早發現，水龍頭隔篩出現類似的藍白色沉積物。鉛水事件中兩條邨都是「受災」屋邨。
居民Roy家住啟晴邨滿晴樓中層單位，他說，上周留意到紅磡邨住戶水龍頭出不明顆粒，於是趁今日假期檢查家中水龍頭，結果在洗水間洗手盤的水龍頭隔篩中，發現有一堆藍白色沉積物出現。他去年11月初剛獲中國建築，更換家中水喉，「換喉之前都試過發現有少量微粒，當時冇特別理。但係今次換喉後，情況仲要嚴重咗，我扭開個水龍頭隔後，望到咁大攤都呆咗幾秒」。
Roy說，廚房的水龍頭在鉛水事件後，獲承建商安裝濾水器，未知會否有同樣問題出現，「而家都冇辦法，驚有問題都要焗住用。就算出面走廊公家喉，都唔知會唔會有咁嘅問題」。他批評，邨內食水安全一再引起居民憂慮，質疑港府監管承建商出現問題，「又唔見其他邨係咁，紅磡邨同啟晴邨偏偏都係同一個承建商中國建築。係咪對國企包庇算數，究竟政府幾時先可以令居民安心？」
