逢過年過節或家有白事時，不少人都會進行燒衣紙這項傳統習俗。但如果在屋邨走廊燒衣紙，影響到其他住戶就不是太好了。有網友就在Facebook群組上載一張燒衣紙的照片，投訴鄰居半夜在屋邨走廊燒衣紙。
今日(21日)凌晨2時左右，居於深水埗麗閣邨姓梁女網友在社交平台訴苦，並附上照片。她抱怨自己所住公屋鄰居經常在走廊燒衣紙，而今次甚為嚴重，「今晚仲要半夜三更突然間有濃煙！突然間比煙『攻』醒咗，睇睇手機，明明唔係7月14，都咁大煙......嚇到報警！消防嚟埋先同我解釋番，原來又係有人燒衣！」
梁指消防員走後，鄰居又繼續燒衣，對方甚至聲稱房屋署都清楚其行為及容許，更出言指她多事「早啲死」。她直言已經向管理處反映情況，卻毫無改善，惟有向網友討教處理方法，並留言：「7月仲有好多日先過......晚晚咁大煙，又煩又嘈！點瞓？點算呀？」
不少網友都在貼文下留言，有人建議她直接向房屋署或區議員投訴：「管理處唔多理嘢， 你影完錄低，拎去房署投訴等扣分」。亦有人看完照片後，估計該住戶「做白事」：「人哋屋企有人走咗，做緊法事，忍下啦。」、「人家屋企搞白事呀，你就忍吓啦，燒衣嘅嘢大家體諒一下，再唔得先同房署主任了解，再想辦法處理啦！」
梁回覆記者表示，往常過節或初一、十五等日子都會有住戶在走廊上燒衣，令到屋企充斥煙味。今日事發時，她本來熟睡但突然被一股濃煙焗醒，起身又聞到煙味，打開門縫後更看到煙霧瀰漫，最後致電管理處半小時都沒有人過來處理才報警。
直至警察及消防員到場，她才知道原來是鄰居在燒衣。當警察一離開，鄰居又再度燒衣。她不堪其擾再次致電管理處，然而始終不獲處理，只好透過電郵向房屋署反映情況，目前未得到回應。
房屋署發言人回覆東網指，根據麗閣邨保安記錄，當時麗葵樓12樓有一單位住戶，因有家人近日離世而有需要在門口外走廊進行燒衣活動，其後，警方到場了解情況，當時燒衣儀式已經停止。發言人續指，麗閣邨辦事處在各座地下大堂及涉事樓層大堂和走廊張貼通告，再次提示住戶切勿在大廈的走廊及大堂燃燒衣紙冥鏹。
網民有話說：
Hing Ping Lai：打着消防鐘，佢燒一次你打一次，成座樓一齊同佢玩。
Ray Cheng：習俗嚟，住公屋燒衣好似要去指定地點。
Elly Chan：滅火筒幫到你。
Cassandra Cheng：公屋冇可能畀燒，佢咁樣一定會畀房署扣分。
