|
心情動態：
來自興華二邨 |
簽約+拎匙 結束7年長跑
本來收信明天才拎匙簽約,但因為有事打電話給邨辦提早一日。下午兩點半同老公準時到邨辦,老公本來就住嗰條邨,熟哂門路,我剩係負責跟住行
 如果冇人帶路覺得都有啲難搵?去到邨辦詢問處,窗口職員問我拎配房信同申請人=我 身份證,其時先發現我烏龍到身份證都唔記得帶!<<<犯法行為!好孩子千祈咪學!事源我上晝喺公司影印完id,可能隨手放咗入公司褸袋,結果我手上只有身份證副本!變咗無證人士???職員好惡咁鬧:副本唔得!對唔到!今日咩都簽唔到! 即刻好失望,但一場嚟到,點都睇埋間屋,於是職員就call保安嚟帶我地上樓,因為係奶奶同座,老公直情返屋企咁行得勁快  間屋已經翻新好,舊長型屋如其名四四方方好四正,廚房同廁所都鋪咗瓦磚,牆都油咗淺黃色底油,要求唔高鋪埋廳地磚,粉飾一下就已經好靚仔~ 返落邨辦,同邨辦講我地睇完,因為頭先佢話我冇帶id唔簽得,唔知走唔走好,點知佢又叫我地坐低等主任(態度都係喝狗式)等咗一陣,主任叫我地入去,我開場就同主任講我冇帶身份證正本,得副本。。。主任諗咗兩秒,望下我張副本,又望下我本人,最後話照同我簽! 之後一系列流水式講解簽名,老公又問啲問題咁,都差唔多成個鐘頭,終於!主任將一抽鎖匙交到我手上!好激動!等咗7年,中間真係諗過放棄??超額為咗過審捱咗好長時間,我知有好多人環境畀我差,全家有老有嫩,我一定唔係排得最苦嗰個,但今日揸住抽鎖匙,真係忍唔住喊出嚟??? 多謝cy,呢度真係好多資訊!大家都解答咗好多! 祝 各位都可以安居樂業! 早日上樓! |
||
|
19/10/17 收匙簽約!7年長跑結束!
安居樂業！
|
|||
