清拆篇
http://cyclub.happyhongkong.com/viewthread.php?tid=254103
邊返工邊攪自己裝修其實真係幾辛苦，特別係我呢d得半桶水既人。總結上次清拆篇，廚房廁所既牆身瓦、地台瓦全打，另外買左套防漏油返廁所同埋牆身，淋浴位油至1.8米高，其他就1.5，油左幾浸。
廚房既門同牆我都拆左。本來係網上淘左一個隱藏式不銹鋼地漏，但果陣以為運輸問題黎唔切，所以自己去深圳買一個銅製既，質素應該更高。目前為止牆身既瓦仔比較麻煩，因為行明喉無法，本來考慮過本區入面有位師兄分享過，將喉入牆，馬桶改中間對住門口，原本馬桶＋企缸位就成為一個長方形淋浴間，最右手就做鏡櫃，變成一個私樓既廁所設計。但考慮到要將原本冷熱水改位，涉及既工程係我時間同能力有所不及，而且計過條數，咁改動既話每個空間都會好細，因此用其他方案。
廚房既煤氣原本諗住改短，但工程巨大且要支付煤氣$6500，因此免了，原本既廚房來水已駁長，明天會換埋個洗手盆同洗衣機去水就會填埋個躉，加埋廁所拍埋個地台，咁基本廚房廁所就大功告成，下星期可以攪埋個廳房地台就可以叫人度呎造傢俬。
廚廁由於小弟唔做假天花，因此瓦仔係舖到上頂，詳細原因將來再分享。
