致各位冠德苑街坊:
各位街坊好,我係B座嘅小小業主,我捻無同大家一樣,經歷2019年12月揀樓同20年1月攞鎖匙,新年後開始裝修就經歷武漢肺炎封曬D關口。所以基本現在裝修用緊嘅所有物料都係香港買。成本貴左啦,不過我就係屋企人幫我裝修,提出少少裝修嘅建議。
1,廁所嘅防水差得離譜!廁所嘅防水做得好,就唔會滲水落下一層。但係如果為左省人工,就求其裝個浴屏。不出幾年。你就會收到各種投訴甚至惹上官司。所以奉勸各位裝修嘅時候做多幾層廁所地面防水。
2,廁所連接房嘅牆身,哩個位都要留意,佢D空心磚真係好空心。所以要加多層防水。
3,留意窗台位置嘅防水做得足唔足。不過哩D一般係驗樓時都check曬。
4,牆身都算平整,要讚嘅係廚房嘅磚都係實心,基本可以唔洗拆曬再搞!
5,地面鋪得唔錯,係哩個基礎上鋪義大利磚可以頂好耐。
好啦,注意同讚嘅事項都列左出來,歡迎各位街坊提下自己屋企嘅問題同讚嘅地方,互相交流裝修心得!