浴室天花滲漏嚴重, 房署唔處理, 點算好？

Cheungmay2018

浴室天花滲漏嚴重, 房署唔處理, 點算好？

我地入住蘇屋二期未夠一年，浴室滲漏嚴重(如圖)，上報房署個幾月，兩個外判工程師來睇過幾次，話係冷氣問題，又話溫差大，所以影響浴室天花，唔屬滲漏，不予解決。但浴室冇裝冷氣呀 。

實際我地浴室有做假天花，一直冇留意有滲漏，後來D水滲到廳滴水，先揭開假天花睇，情況慘不忍睹。但凡見過我地天花，都話係樓上防水層做得唔好，導致滲漏。但外判甩鍋，房署又唔理。

請教各位師兄師姐，呢個問題該穩邊個門處理？唔該晒。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

Cheungmay2018

多謝各位師兄師姐對本貼嘅關注及俾出嘅寶貴建議。
因為我老公係從事近20年嘅水電師傅，係有專業電牌，水喉牌，每個月都會處理唔少滲漏情況。所以在水電方面來講，佢係絕對有經驗。在過去一個月，自己私下都穩左同行好幾個師傅研究過浴室問題（其實D水已滲出客廳了，由開始沿著浴室外圍的小範圍滲，房署拖左成個月，冇具體處理，現在已擴散到2/3個客廳了）。D師傅都有諗過係蒸汽潮濕問題，但睇返現場，1個月前係企缸上面橫向部分跟鏡櫃橫向部分有問題，兩者之間仲係白的，時間越長，我地已成晚開抽濕，日間窗門常開，衝涼開2把抽氣（包括開浴室寶果部）持續1個鍾，甚至發現問題時，連天花都拆了，但情況完全冇改善，反而連本來有少許白的地方也發黃發黴了。
最後D師傅都認為係樓上防水層做得唔好，導致滲漏，但滲漏縫估計唔大，不然都唔會近一年先有情況出現。
我雖然唔係裝修師傅，但做左咁多年建築設計，對建築，裝修情況也略知一，二。
房署一個月內帶來睇情況的估計係外判人員，佢根本冇想解決問題積極性，拖左好耐先來睇，睇左又話濕氣，溫差導致。咁我老公問返佢D有影響浴室嘅專業問題，佢又含糊其辭，左右而言他，答唔到重點。
無奈之下，想到借楊管呢個平臺來搵你地幫手。
再次多謝你地對本帖的關注，最後處理情況點，我會上來再跟大家分享。唔該曬。
上傳張近浴室嘅客廳圖，圈住位置係滲水跡。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡