住了有大半年，基本上上都達到我設計的諗法，舊單位設計有限制，成個設計基本上都是我自己諗，以實用為原則，不會過度改裝現有。因要自己間房，房會較細（都只是睡覺用），因想廳空間大些給小朋友玩，諗法都係想家中可以放到較多物品和收埋佢，有時見d新樓設計得好靚，但示範單位未放日用品，家中雜物多，裝修得多靚都冇用。舊公屋廁所冇分間格，所以我有把風扇，沖完涼吹15分鐘地下即干。冷氣裝了一部分體全屋凉，呢個冇計，始終唔係新樓房有窗。可能細個都係住舊公屋，現在好多野我都接受到，香港有得住已很感恩，自己用有限資源令現在更美好，我感到很滿足，我更期望家人相處融洽，人人身體健康。
