MoonHeiYuet

吾明果个苦主要蝕多过5%(3萬？) 咁多，都未比尾数。印花税都要比先？装修費咁早落訂也吾合理
究意超过5%筆...
LUCKYSTAR88 發表於 2021-11-28 23:23:15 原文

就咁睇，印花稅、契據文件、按揭契據註冊費、
銀行按揭法律手續費 等，呢啲應該係辦理購樓手續時先支付。


佢提過已搵律師，同銀行按揭，
但係咪當時未俾尾數，就已經出晒其他呢啲費用，並全數都不獲退還，咁就唔知道。

裝修，唔知佢係咪心急到咁，未收鎖匙，就拎圖則搵人設計同訂造，呢啲都係佢自己先知。

可能佢有其他內情隱瞞都唔定 ?

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

MoonHeiYuet

最離譜嗰間，我tip係翠屏北
fortesting 發表於 2021-11-28 23:24:30 原文

邊方面離譜？唔知你講邊樣，估唔到你講邊間 ?

如果翻新質素，呢條邨單位室內，
就咁睇算係見得人。

如果話環境因素最差，
我認為係呢間「籠屋」，
唔計出面簷篷呢個「籠」，
最低層，果層仲要冇電梯到，
樓齡最高又係佢呢座，地理位置最差又係呢座。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

MoonHeiYuet

數字邨 大單位，得一間堅好，冇負面因素，
就係某座90年代落成，
矮的 相連長型 高層，果間中單位。
隔離單人單位，係講普通話的阿婆住。

雖然阿婆擺咗張摺檯，同幾盆花喺門口，
但又唔阻你，佢隔離個兩人單位唔出聲咪得囉。

買到呢間，真係恭喜佢，一等一靚屋，
座向好，樓層好，間屋乾淨。

第二呢，Y型高層中單位，
呢間向正西，中午開始曬到日落，
呢間應該係 改建一人單位 還原，
企門口感覺冇咩特別，
喺垃圾房條走廊，但除口罩聞過唔覺臭。

不過呢層樓，電梯大堂，曾經噴紅油，
寫大寫報追數，唔知同果間有冇關係，
總括來講，呢間除咗好曬，唔覺有唔妥，
鄰居全部關門，問唔到。

排第三，就係 80年代落成，矮相連長型 中單位，
呢間非常後期先收返來，
我半年前洗樓時都仲有人住，
鋁窗明顯特別新。

呢間出價單後先見到，上去睇埋，
門口冇唔舒服，但部電梯非常Chok。

呢間我查唔到有事，
但有個問題，不容忽視，
就係天台發射站，對住你頭頂，
驚 太平邨平靜樓 事件重演，
否則呢間都唔錯。

其餘大單位都係伏，
樓王 係伏中之伏，前面講過。

我特別講下，工字型果幾間，
全部都係骨中骨，全部吉咗幾多冇人要。

細單位，
窗口直線下，近年幾具遺體跌落去；
呢間保安話吉咗兩年幾，
上一手兩個老人家，先後離世，
丟空年幾，房署先翻新；

佢特別提過好多次，話地下有冇塞佢就唔知，
樓下就成日投訴，上面塞唔，
暗示樓下之前成日投入訴，
呢間屋去水於塞，影響到佢；
臨走都仲提多幾次，
老人邨就係咁嘅，地下有冇塞就唔知。

中單位，露台望到細單位果座，
幾具遺體跌落來個位置，
保安話吉咗三四年，之前派過幾次都冇人要，
一個嫌舊，一個4人的嫌細。

大單位，問極保安都唔肯講，
果兩件事同呢間屋有冇關，
有個保安話，都係搬走好多年，
都好多人上去睇呢間。

而呢間屋，好多人睇完都唔買，
明顯係較同等大細單位遲一排先賣出，
即係好多人睇完，其實都界意。

另外兩間，呢次冇放出來賣的 工字型，
一間座樓同東涌屋邨同名，樓層幾好意頭，
鄰居答吉咗一排，唔清楚之前咩人住。

另一間，座樓同港島屋邨同名，
鄰居告知 雙料凶宅，隔離屋仲要係儲物狂，
望滿廢紙雜物，門到關唔到，只拉鐵閘。
細單位，我只順便上過舊長型果座睇，
其餘劏房單位，冇去睇過或了解過。

高層已賣出果間，已經提過好伏，
低層果幾間，至少你買咗要換大門，
入面有咩未執好，都要再執；

最重要係，而家4樓某戶，露台鐵欄出面，
掛住過老鼠籠，自己諗下點解，
而家未賣出的，全部都係4樓以下。

另外，睇某溫氏剛辭職前議員Facebook，
呢座樓佢有擺工作相片上專頁，
寫住 老鼠上樓、蝨患影響街坊。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡