等咗7年8個月，喺上星期五見到S4嗰刻心情好興奮，到左第二日收信打開見派啟業邨，心情麻麻因為舊邨足40年樓齡。到10號(昨天) 去睇單位。首先到啟業邨落車，準備入邨之際見到一位太太手拉買餸車於是上前問她條邨整體情況，她熱心地答住了已40年即落成已住到現在很好住，交通方便，並非網上見到的老人邨感覺 當中亦見到很多青年人。週圍配套亦很齊備學校中，小，幼全齊 ，日常必需品都有，仲有懷舊式的冬菇亭食肆。
參觀完邨後到房署登記睇房，保安員亦很耐心地介紹樓宇的特性結構，入到單位向東南，很開揚亦相當光猛同一個大露台。我地亦相當鐘意個單位，完滿畢業。
最後忠告大家，派邊都好到現在感受一下先，
千萬唔好受到外來說話而放棄一個選擇權利。
