事先聲明,睇相,切勿模仿,因為我自己批灰油油,所以夠膽亂鏟測試,非專業人士,唔好亂來。先講結論:全鏟重批重油。
本來都想懶,又睇片話新樓墻身過得去,拜完四角,係咁意裝模作樣動工,手痕,攞個漆鏟鏟下準備間房的墻身位置,認真驗下貨。不得了,隨便鏟,發白水都唔使落,成層層係咁起,跟住可以玩,手撕墻面。又鬆又薄,一野見石屎。來緊住落稍微有D水氣或者回南,爆開個口,又全屋傢私,再執就頭痕。考慮等裝修公司間曬墻整埋地板之後先一次過。都係唔好啦,有咁快得咁快,吃完飯去鏟餐飽算啦。真係有興趣的街坊,自己搵個唔覺眼的位,一鏟就知。係谷睇N個貼,唔夠自己一野鏟落去得結論實際,今日星期日好多人攞住把掃把擺四角,我上午吉時搞完,下午鏟墻刀開拖,哈哈。