我住和諧一型第六款大廈一人單位，對正防煙門，裡面再有一間電掣房，但好奇怪，呢間房有時有鎖有時又無鎖，經常有本層或非本層既人出出入入，防煙門又開又閂嘈死人，奇怪係有人又會有鎖匙去開度門放野入去？試過有次打得開度門，見裡面全部都係D可以回收賣到錢既野黎，例如汽水鑵、鐵、電器之類....仲要分類好晒一袋袋。
之後有日見出面又碰撞聲嘈到死，就出去睇，見係本座清潔工去收呢堆野，就問佢點解呢間房係放呢D野.........都唔知佢係真傻定假傻，問非所答，又話D野係上面幾多樓既傻仔既，佢好鐘意收集垃圾之如此類、又扯到去話佢會開人屋企度門..........根本無正面答我點解呢個位係放回收野，然後定時定候有專人黎收走？
其實本身呢個位唔係垃圾房我先至要，依家即係變相多左個垃圾房對正我大門.....如果佢只係用黎放下清潔工簡單掃把之類工具，唔會成日有人開開關關度門，唔係放埋D有味道(汽水鑵漏到成地都係汁液)嘅野我都無所謂.....經常有人喺正門口搬呢樣果樣嘈到死...
其實依家我可唔可以投訴？同埋想知有冇人又係住我呢種單位，對正嘅電掣房係咪咁嘅用途？
