原本住觀塘區，想要返市區，但到我哋揀嗰日，5-9人單位基本清哂，淨返幾間1樓2樓?但我地真係好急切想搬，就篤左間天水圍。
話說第一二志願都俾前面揀左先，我地第三志願成功揀到。由於唔熟天水圍，就搭車入去望吓環境。
成條邨得一間7-11?同一間補習社?
周邊行下，發現過一條天橋就到頌富商場，呢個商場同寶琳新都城有d似，商場都幾靚。而買餸就落地下，個街市好乾淨，物價都正常唔會貴。行10分鐘就到天瑞街市，過隔離有天恩街市。
邨旁有條河，好多人踩單車?第時夜晚食完飯可以散吓步。同天水圍醫院?、濕地公園都係搭十分鐘輕鐵。
天華邨係天水圍，唯一一個站，有齊三架輕鐵，到天水圍/元朗/屯門。
基本睇完都心滿意足，覺得生活圈幾好??只係搭車去返工遠左同車費貴左。天水圍好似冇將軍澳～觀塘區潮濕，地下+走廊好乾爽。
