揚言｢我想玩謝佢｣
鄰里之間不免因噪音問題起衝突，一名公屋港男發文訴說，有鄰居經常發出噪音，曾上門交涉卻未有改善，憤而在鄰居鐵閘和走廊張貼白紙，警告對方切勿在晚上11時後製造噪音，做法引來網民熱議︰有人表示支持，但都有人質疑違法，恐需負上刑事責任。
該名男網民本周三在Facebook發帖，表示自己居住公屋，形容12樓鄰居經常發出噪音，他為此曾上門｢家訪｣，｢我同佢講你哋好嘈，可唔可以靜啲？靜咗一排早2日開始又來料。｣
事主指已經忍無可忍，列印多張告示並貼在該住戶鐵閘和走廊，只見白底黑字寫上「12XX室11點後請勿製造噪音」。他形容這只是「LV1」的手段，僅屬「溫馨提示｣，｢本身我想用黑色底、紅色字，仲加上『請安靜勿誤』，但係為咗啲無聊人print彩色，有啲唔合乎經濟效益，冇理由為咗佢拉低晒我哋成個群組嘅GDP。做咗衰人太耐，我想用正當嘅手法去玩謝佢。」
網民：做得好 vs 可能違法
不少網民看到帖文後大讚事主「做得好｣，認為這能讓其他住戶得知該鄰居的惡行。但有人表示如有閉路電視鏡頭拍攝到事主的行為，該鄰居可當作證據報警，事主則指：｢影到仲好添呀，記得落嚟搵我，我即刻打電話叫JP(上訴委員會(房屋)主席)，叫JP call埋環境保護署...」又指網民的留言和「讚好」給他動力，｢見到大家留言同畀『like』係畀動力，我繼續『溫馨提示』，多謝大家。」
