回應 #1 楊管
@Bobo Chan
其實間隔好好，搭車都算方便，係舊D，返工新清水灣道會有塞車，係我會要
不過要視乎你需要咩，交通可有小巴去彩虹/觀塘地鐵站，另有小巴去藍田、九龍灣、九龍城、黃大仙、樂富，巴士可以直到九龍城、土瓜灣、旺角、尖沙咀、觀塘、荃灣。過海巴士直達北角至上環，其它地方可東隧轉車。夜咗都唔怕有通宵巴士，尖沙咀、油麻地、旺角、九龍城、新蒲崗都有車。彩虹地鐵小巴平日06:30-01:15對開，大概10分鐘一班，過時過節會延至03:00尾車。交通唔錯，但繁忙(返工返學)時間會塞車。買餸如嫌順天順利唔得，坐車去到黃大仙大成街街市、深水埗北河街街市、觀塘瑞和街街市等等。順利有麥當勞、譚仔三哥。如有仔女，中學校網都可以，有順利天主教、觀官、聖傑靈、慕光等等。唯獨是樓齡較大，成四十年樓有多，利康屬於舊長型類型，你個單位望番商場，向東北。建議先去實地考察，再問下左鄰右里，睇吓適唔適合你。
