回應 #19 神安飛瀑
公屋同居屋嘅建築成本應該係有斟酌空間。睇返呢個上年年初嘅報導(下圖)
報導中話平均一間公屋嘅建築成本係92萬，居屋係109萬。但咁就奇怪，居屋中型單位（一至二睡房）點都多過公屋，但平均成本只係多17萬。咁我當公屋平均實用面積係330呎（介乎2-3人單位同3-4人單位之間），成本係92萬，即每呎成本係2788。居屋我就當平均實用面積係415呎（介乎一睡房單位同二睡房單位之間），成本109萬，即每呎成本係2627。即係公屋居屋平均成本差唔多。賣3000一呎唔使蝕，雖然抆水啲。
