|
心情動態：
來自啟晴邨 |
【分享】解決冷氣機被雨水沖打的噪音
大家好,小弟一段時間無上來了,今次分享一下本人慘痛經歷。
而家D新樓簷篷唔夠長,搞到用D大部D機冷氣機會有呢個問題, 當然如果你遇到好既冷氣機師傳或者裝修師傳會提醒你加D隔音墊係上面, 不過我果個師傳就無囉  ,仲要買錯左冷氣機型號!!!!!話說前排成日落雨,小弟部冷氣機因為屋外既簷篷不夠長而被雨水直接沖到,結果發生很吵的噪音!!!! 搞到我同太太晚晚無搞好訓!  結果我就上網搵到d資料去解決呢個問題。我就用MMM 既防火地墊 (樓下DXC到買,$1XX 好貴呀!!) 同 MMM 既超強力膠紙 (鴨記$7X 大大捲) 去整 用防火地墊係怕有D PX 會掉煙頭落街,萬一掉左落張地墊到唔怕被燒著。 首先就係剪好個SIZE,之後用雙面膠紙痴係地墊上面,然後貼上冷氣機頂。 重點: 小弟剛好隻手勉強夠長放到出冷氣機,如果大家唔夠手長就唔好自己整, 千萬不要拆窗花伸出去整,萬一出事就唔好啦, 搵樓下D師傳拆部機同裝返都係$400左右。 留意: 1.隻膠紙痴力好頂,不要痴到隻手太耐,如果唔係好難搣出黎 2.盡量度到位先放張地墊上去,因為膠紙太痴一痴左落去難以拎起 3.千萬不要阻到冷氣機散熱位,因為咁樣會令到冷氣機散唔到熱而壞 4.地墊面向上貼上機氣機,而地墊底向上擋雨 (因為怕有垃圾卡在地墊面上) 結果: 而家落狗屎都無以前啪力拍啦咁超踝啦!! 但仲要好細好細既達達聲! 不過可以寧靜訓覺啦!!本帖最後由 熱刺 於 2014-05-26 12:33:59 編輯 |
||
|
G1255XXX 2013年10月23日 上樓
2020 申請調遷 密度5.3 排14xx 4人
|
|||
