各位cyclub會員大家好。羊年第一次發帖,先祝各位上左樓嘅會員,個個都安居樂業、家宅平安; 未上樓嘅會員就心想事成、萬事如意。
![](images/smilies/default/102.gif)
如果大家仲有印象的話,喺未搬嚟新居前,我曾經喺度出過帖,俾大家欣賞過我舊居嘅大紅燈籠新年燈飾,亦希望承襲番呢個家庭傳統,希望過年時喺新居都可以做番同樣嘅野。經過仔細研究同考慮新居環境後,今年第一年喺新居成功地承襲番呢個傳統。當然規模比以往壓縮左好多啦,但總算還左心願。由年廿四掛起燈飾到今日,除左頭一日收過警告貼紙外,一直都平安無事,大廈保安仲讚我門口最有新年氣氛添,聽到都真係笑屎我。
如無意外,燈飾會過左正月十五就會拆除還原,襯住新春期間,post相同大家分享下。最後再祝大家新春大吉、恭喜發財!
本帖最後由 老公 於 2015-02-23 23:49:48 編輯