|
（帳戶名稱被屏蔽）
|
窮人恩物最平上車盤100萬有找
          本報昨天介紹地產網上搵樓平台售價最平放盤，為青衣長安邨公屋戶叫價165萬元後，市場上原來還有其他更平上車盤，甚至樓價「一球」有找，堪稱「終極窮人恩物」。記者直擊屯門山景邨一個二手未補地價公屋放盤，業主叫價僅95萬元，首期只需4萬多元就可做業主。 屬輕鐵沿綫物業的屯門老牌公屋山景邨，市區人可能嫌遠，但正是因為地點偏遠，樓價落後大市，今日仍有100萬元內超平盤，首期不用5萬元。本報直擊山景邨一個隱世窮人恩物，業主2005年透過租置僅以7.84萬元購入單位。無錯，大家無睇錯，業主當年的確只是以「幾皮嘢」買層樓，記者聽見都「嘩」一聲，驚訝又會平成咁。今日8萬元，不要說買層樓，買隻「撈」都未必得。 業主黃先生坦言，自住多年後現將這間公屋放售，綠表市場（未補地價）叫價95萬元，業界估計平絕全港上車盤。記者截稿前已盡力搵勻全港，但仍搵不到有其他單位平過佢（讀者如有發現，麻煩通知）。包括馬鞍山、上水、粉嶺及將軍澳等，都沒有「一球」樓下放盤，部份地區「一球」只能夠買車位。 未補地公屋房署提供最高95%按揭擔保，即是這間公屋首期僅4.75萬元，分25年還款，年利率2.15厘，月供僅3,892元。預計加息壓力測試利率加3厘至5.15厘，月供則增至5,355元。 全港最平上車盤位於景華樓低層7室，實用面積294方呎，雖然不足300方呎，但相比大埔嵐山劏房最細165方呎，這間公屋其實已叫大。打開鐵閘甫入屋一眼睇晒，傳統舊式公屋開放式設計，業主瞓碌架床，有廚房和浴室。單位裝修殘舊，要預備一筆裝修開支。黃生稱這間公屋住了逾20年，本來只是租，每月交租約1,000元，但在2005年決定買下單位。「呢度幾好住，有輕鐵，交通方便，（山景邨）有自己商場，管理費又平，一個月300元」。 土地註冊處資料顯示，黃先生當年購入單位後獲恒生銀行提供7.59萬元按揭貸款，買樓首期只是2,500元。 另外，單位亦計劃在自由市場放盤，正等待當局批出補地價通知。黃先生預期補地價金額或至少100萬元，因此該公屋連地價放售可能逾200萬元。 |
||
|
|
|||
