區議員麥潤培
街市人流少 商戶更難捱
記者兩次到利安街市視察,發現人流比同區其他街市少,亦有不少「吉舖」,令人懷疑商戶之後能否捱得住貴租。記者以顧客身份致電宏集查詢,負責人指「裝修之後街市靚咗,又有冷氣,人流一定會多過而家好多。」
麥潤培指利安街市的人流主要來自利安邨和錦龍苑,不會因為裝修而開拓到客源。「人流幾多係一清二楚,你見到而家商店都唔係滿晒,就足以證明到其實生意唔係咁好。」麥又反問,「4萬幾蚊租一個位,係咪可以做到咁多錢生意呢?」他相信商戶日後經營更困難,只能將租金成本轉移到街坊身上。
街坊伍先生
街坊張太表示日後寧願到附近街市買菜,指利安街市規模小,貨物種類不多,「新港城個邊啲嘢比較齊,又多檔口揀,呢度(利安)嘅魚檔來來去去都係嗰兩檔。」
街坊伍先生亦指,若裝修後價錢太高便會到附近街市購物,例如富寶或新港城街市。