|
心情動態：
來自非公營房屋 |
神秘黑色巴士
2017-03-10 06:00:49 HKT
 黑色巴士喺鬧市現身。（相片來源：柏斯敦巴士台）(互聯網)  原來係全港首架巴士餐廳。 （相片來源：柏斯敦巴士台）(互聯網)  （相片來源：柏斯敦巴士台）(互聯網)  車箱內部睇到有小型廚房、餐枱、梳化座椅等等。（相片來源：柏斯敦巴士台）(互聯網) 神秘暗黑巴士現身香江？近日喺巴士群組入面流傳幾張用黑色做主色調嘅雙層巴士嘅相，隔住塊玻璃見到入面居然係餐廳卡位咁嘅格局，仲要掛住個「GC 8888」靚車牌，嘩，唔通有巴士公司決定轉行撈埋飲食業，推出「真‧美食車」？ 幾經周轉費清終於八到，原來呢架車係由一間叫「水晶巴士控股有限公司」引入嘅（唔好問車型啊馬力啊，反面架！），經過一年多策劃後推出，諗住用嚟做全港首架巴士餐廳，入面會有高質音響同埋特色設備，提供唔同餐廳嘅美食等讓客人一邊享用，一邊欣賞香港美景，為本地旅遊業以及餐飲業帶嚟好玩有型嘅新概念咁話喎。 嗱，電車派對呢就去得多，巴士餐廳就真係未試過。計費清話最怕就係佢行行吓要剎車，成檯食物飛晒落地真係唔知點算好。係咪想知幾時會正式啟用呢？間公司3月14日就會開記者會揭曉㗎喇。 費清 |
||
|
|
|||
