話說之前去過磚王睇磚,認識了磚有高溫過底磚 或 普通高溫磚 , 若果只睇表面花紋同色基本上是無分別的,主要是密度同硬度
高溫過底磚同普通高磚的分別就我收集到的資料有1.過底磚的邊位是直身及順滑的,普通磚的邊是曲及鞋身的, 2.過底磚的密度比普通磚的高,所以會硬一D,同一SIZE會明顯重好多,所以承重會好D, 3.過底磚是一塊大磚切成條狀,普通磚是一條條出爐的,但亦有店舖話兩者無分別,或者其他不同理由
而佢地主打個隻牌子叫做馬可XX,屬於唯X集團旗下,賣$8x(120*20cm),係一個通識的情況下大陸的直接返貨會比香港平,所以我上網搵馬可XX,發現佢有一個官網,搵左一個最近的深圳地址,於是終於有左呢個深圳買磚遊
呢個馬可xx位於八xx站B出口,一出望過對面就見到,樓高兩層,主打華麗高檔路線,亦有木紋磚,但我唔肯定是否同磚王的是同一款磚,只有兩個size,90*15cm 及 120*200cm,分別$56 &149人仔面價**,無折扣優惠,計落條數貴過磚王好多,所以無多睇就走人
由於時間比預期用小好多,所以睇地圖不遠處有一個建材商埸,叫國安x,行過去5分鐘左右,入到去格局同田貝及紅岭(家之福)差唔多,但個人感覺上所賣的比較高檔d,款式亦都好似多d,唔似其他兩處雖然店舖多,但賣的多數一樣
唔怕花多眼亂嘅朋友不妨一去,價錢比起另外兩處有平有貴,自行格價
其中一間係入門口右手邊角落,比較大間,某些牆磚我覺得幾靚,貼有面價,負責人話可打8折,自行講價,而在其中找到了我此行主打,高溫過底磚(120*20),呢間舖賣的價錢由$75-153(未折),摸上去質感其實差唔多,我都唔識分,問負責人佢話因返貨間廠唔同,所以賣價都唔同,不過應該價錢貴D個間質量會靚D
貨比三家,所以睇完格完之後沿住八X四路行去紅岭##,途中見到有間(唯xxx磁磚),醒起磚王提過佢隻馬可磚是唯X集團旗下,所以又入去睇下,都是兩層式建議,好多花款,我主打只睇木紋磚,只有60*15($320一平方,送100塊**/大約十平)及90*15($380一平/已折,無野送),用色同層次方面真係靚,一睇就比佢吸引著,價錢方面比一般貴1/3,了解左之後就走人,但太急走忘記了睇是高溫過底磚 還是 普通高溫磚
跟著去到紅岭的五方家居,由於之前嚟過,所以只是大致睇一睇,其中一間有賣樓蘭磚,之前問過100*20是 $27,今次睇高溫過底磚,只有120*20($59) 及 90*20($45),價錢計返港幣及運費同磚王差唔多,但磚王隻馬可xx無我要個隻色,而樓蘭有,所以無意外會係呢間買
ps:店員話樓蘭呢隻係全過底磚,而馬可xx只是半過底磚,佢地都有賣,不過係第二間分店....真唔真就唔知喇
最後行埋對面馬路個燈飾城,完滿返屋企
**某些店舖會貼上面價,但只是呃人的,大多可還價
##走之前上二樓行左過圈,廚櫃區,都係比較高級,有一D專賣品牌
**5.1優惠,送100塊,只做到28/05
