提提你,你交咗報稅表未呢?未嘅話,快啲搵返個綠色信封出嚟,今日就係最後限期。如果逾期報稅,分分鐘會被罰款。不過,如果你真係唔記得咗寄報稅表,但係又唔想被罰錢,都有幾招可以補鑊。
首先,最方便的補救方法一定係網上報稅,將自動獲延期一個月交表,最遲可以在7月2提交,更可以在提交前評計要交幾多稅,好等自己預早準備。
不過,你又唔好到7月2先上網報稅,因為開通「稅務易」或需時數天。市民在網上申請「稅務易」通行密碼後,啟動密碼會在2個工作天內郵寄給申請人,成功開立「稅務易」後才可使用網上報稅服務。
連網上報稅時間都錯過的話,要補飛,最好是以書面形式申請延期呈交,只要有合理的解釋(如離港/嚴重病患等),稅局或會使用酌情權,延長申報時間。至於錯報或漏報資料,亦要盡快以書面更正錯漏,並寄送稅局,一般情況下都不會被罰。
遲交報稅表除了可能會被罰款,或會遭檢控。而未填交報稅表人士亦可能會多繳稅款,因為不獲可申報扣減的免稅額、強積金供款、認可慈善捐款、個人進修開支和居所貸款利息等扣除。即使逾期一日報稅,稅局也有權提出罰款,最高可罰稅款3倍。