現年40歲嘅前水着偶像星野亞希,同27歲騎師丈夫三浦皇成於2011年結婚後暫別幕前,後來傳出三浦偷食,一度傳婚變。不過有指三浦去年比賽時墮馬重傷,獲星野亞布照顧,令愛玩嘅佢變得修心養性,夫婦關係得以改善,日前仲被拍到一家三口外出。
三浦重傷休養一年,即將復賽,新一期雜誌《女性自身》就拍到星野亞希湊女返學之後返回茨城縣嘅屋企,受訪時談到丈夫將於下月參與札幌嘅賽事,佢提到老公一早就起身練習,仲有留言比仍然瞓緊覺嘅佢,可見佢哋現時夫妻關係相當和睦,對於三浦話自己復原全靠太太,星野亞希就話唔關自己事,因為丈夫好勤力做物理治療。
當年嘅童顏巨乳偶像星野亞希,做咗全職師奶之後被讚Keep得唔錯,個樣仍然好後生,不過身型瘦弱嘅佢着住黑色背心,已經完全遮掩其身材,昔日巨乳已經不復見。
星野亞希當年以童顏巨乳走紅水着界。
日前星野亞希被拍到湊女返學,昔日巨乳身材已不復見。
星野亞希同丈夫三浦皇成被拍到一家三口外出,夫妻關係已經修補。