一講「邦民女」大家第一時間都可能會諗起陳嘉寶(Anjaylia),但其實「邦民女」已經去到第四代喇,而伍倩彤(Gillian)就係其一位。Gillian表示:「當我知道要成為邦民女嘅時候,都有翻睇過全部廣告,我覺得Anjaylia真係做得好好,令觀眾好記得佢。」作為新人,要令人記得,往往要靠花名,對於被封為「嫩版徐子珊」同「嫩版張曼玉」,佢就話唔抗拒:「最多人話似徐子珊,我初初都唔覺,但後尾睇下睇下之後又真係幾似!」問到佢覺得最似係邊個部位,Gillian就話佢哋都係cool cool哋同埋有少少性感。
擁有33C豐滿上圍嘅Gillian原來非常好動,夏天仲成日會去沙灘游水同玩wakeboard:「我唔怕曬黑,好鍾意去沙灘!我比較鍾意夏天,因為本身怕凍,同埋我鍾意着得少布啲!」真係估唔到Gillian咁大方喎,至於問到會唔會介意喺電影中有性感演出,佢話:「唔介意性感,但3點不露。如果劇情需要,都接受到床戲。」
24歲嘅Gillian青春無敵!
Gillian好索呀!33C完美Body真係冇得輸呀!
Gillian話自己最鍾意去沙灘
巴打們係咪好想食呢枝雪條呢?
呢個pose嘅噴血指數有幾多星呢?