|
心情動態：
來自非公營房屋 |
景泰苑六旬婦為供樓延退休：有得揀我唔會再買
短片：http://video.appledaily.com.hk/m...8_news_334_240p.mp4
首個綠置居項目新蒲崗景泰苑今年初推售時，吸引大批綠表公屋戶申請，最終超額認購18倍。有景泰苑業主為一圓置業夢，即使要孭起20多年房債，也甘願一世做樓奴；有業主原本計劃退休，但為了供樓，「依家幾十歲人都要返工，為咗供樓有乜辦法。」直言若可再選擇，「有得揀我唔會再買（綠置居）」。 陳太一家三口以綠表購買景泰苑低層一個兩房大單位，樓價約270萬元。其單位面向啟德發展區及太子道東，售價較其他單位相對貴。她入住後指理想與現實相差很大，「環境好差，交通唔方便，好嘈，全部窗要閂哂先瞓到，就算有隔音窗都幫唔到乜野。」她說交還公屋單位時，「房署要還原（間屋），使咗幾萬蚊，呢到又要10幾萬裝修，失哂預算」。 年約60歲的她，未做業主前原本計劃退休，「依家幾十歲人都要返工，為咗供樓有乜辦法。」直言若可從頭選擇，「有得揀我唔會再買（綠置居）」。 另一業主王先生一家三口，早前以綠表申請景泰苑，最終以約208萬購入低層一個約393平方呎一房單位。他早前已支付約11萬元首期，向銀行借足95%按揭，供款期25年，現時每月供款約9,000元。 單位正裝修，最快月底可入伙。王先生由公屋仔搖身一變做業主，每月住屋開支大增，「以前住公屋每個月都係畀約1900蚊租，仲要係老豆畀，但依家淨係供樓，同老豆兩個人夾埋最少要畀9000蚊，仲未計管理費、差餉」。 王先生孭起25年按揭，坦言感到壓力，「由無負擔變咗有負擔，10年後（老豆退休）甚至變咗全部我自己孭起哂，未來幾廿年都絕對唔可以失業。」但他直言為圓置業夢甘願做「樓奴」，「為退休而作準備，好擔心退休後要再交租。」 政府加推火炭4800個綠置居單位，社會有意見斥政府用公帑資助基層人士置業，王先生承認自己獲雙重福利，「無可否認我係雙重受惠者，住咗咁耐公屋，仲有機會買樓」。他認為政府應在有足夠公屋建屋量，才加推綠置居，「相信到時會無咁多人眼紅」。  王先生由公屋仔搖身一變做業主，每月住屋開支大增，即使要孭起20幾年房債，也甘願一世做樓奴。馬泉祟攝(蘋果日報)  王先生由公屋仔搖身一變做業主，每月住屋開支大增，即使要孭起20幾年房債，也甘願一世做樓奴。馬泉祟攝(蘋果日報)  景泰苑入伙僅3個月，部分樓層及單位需進行吊船勘察工程。  景泰苑入伙僅3個月，部分樓層及單位需進行吊船勘察工程。  景泰苑入伙僅3個月，部分樓層及單位需進行吊船勘察工程。  景泰苑大堂貼出通告，指部分樓層及單位需進行吊船勘察工程。 |
||
|
|
|||
|
心情動態：
來自景泰苑 |
因為綠置居恆常化，最近又喺電視見到驗樓師講景泰苑。不過佢比之前講得留咗好多手，評分比之前高
|
||
|
|
|||
