|
心情動態：
來自彩盈邨 |
今日在四小時內感受到地獄與天堂。。
今日同老婆兩個人正式搬野到新屋,
我原本住得寶,諗住好近,所以無叫搬屋公司, 珍珍話幫我手,我都話唔駛, 諗住兩個人都好快搞掂, 下午4點幾問承辦商借左架木頭車, 就番得寶,開始搬野, 到左屋企樓下管理處(得寶),叫管理員幫我拿樓梯用的斜板, 佢話要去控制室填表格,好.....無計,去到填完,又要我比$100做按金, 大佬,塊板我係在你得寶大門口既樓梯用, 既然要我比按金,超搞笑, 好......我比. 第一車落到樓下,管理員又唔幫我開門, 好.....我自己開, 之後推去得寶斜路既後門,諗住去彩盈,果個死人守門口管理員,唔肯開大門比我, 係都要我用細門出去,大佬,我架木頭車載住四個超大既紅白籃(我老婆就用珍珍借的手拉車,載住兩個透明果d膠箱),細門點出得到呀? 我堅持要佢開,佢才死死氣去開,之後番黎搬第二轉,行到控制室出面, 諗住落斜路,有個女管理員阿嬸走過黎,話唔推車可以行斜路,要我地行去另外一個門口, 唉~~~~已經搬到死下死下,重要呢樣唔得,果樣唔得,我老婆都慶哂, 之後叫佢阿頭黎,佢阿頭話係業主立案法圖唔比推車,外賣,行呢條斜路的,佢話佢都無辦法, 如果比佢地見到就會怪罪佢地, 後來我話,我地兩個人自己搬已經好辛苦,搬多兩轉就搞掂,請幫幫忙, 佢就比我地行,重分付守門口果個管理員開大門比我地出,(呢個肥佬阿頭都算幾好人) 我地足足搬左四轉,每搬一次,我就後悔一次, 點解我地唔叫搬運公司????? 我唔係因為唔想比錢, 而係心裡覺得甘近,好快搞掂姐, 唉~~~~~呢次搬野係我今年內做最後悔既事,而且我實在太低估我家東西的數量, 我地足足有13袋大紅白籃,10個大透明膠箱,5個細透明膠箱, 甘既數量,絕對應該搵搬運公司,我實在太後悔啦~~ 重令到我老婆甘辛苦~~唉~~~~真係唔係幾開心!! 重有一樣慘事, 我地由得寶過黎彩盈,彩盈果個門口係有十幾級樓梯.我要每次將d野一件件搬上去,再將架車搬埋上去, 才可繼續去盈康樓,但到了最後一轉, 我地諗住運路行,行去盈康後門,就唔駛搬樓梯, 我地行到去彩盈大門口時,才發現原來果度係有斜路比你行, 即是我地之前三次都用多唔少怨枉力去搬樓梯, 今日實在太黑人,但有兩件事開心既, 在得寶時,處處被人阻礙,但在彩盈時就唔同, 其中一轉時,我好用力推車,無留意前面有個紅白籃就快跌, 當個袋就跌出黎時,後面突然有個阿嬸追上黎,幫我扶住個袋..話： 個袋跌啦.... 我當時真係勁開心  ,彩盈既人都好d,連阿嬸都好d,我地無搬錯黎,而且我地入盈康時,個管理員阿姐一見到我地,立即行前幫我地開門, 真係天堂與地獄既分別!! 註： 自從得寶換左管理公司後,變得好差,什麼都很差!! 
|
||
|
|
|||
|
心情動態：
來自非公營房屋 |
回覆 1# 的帖子
唔好唔開心啦..過去左就唔好放係心了..搬屋真係一件好辛苦既事..但搬到新屋我諗就會好開心架喇...辛苦都係值得,,見到新屋就開心番晒啦..仲有..最緊要就係有個同甘共苦既老婆係你身邊..就更加值得開心..
恭喜你地新屋入伙  ...恩恩愛愛
|
||
|
|
|||
|
心情動態：
來自彩盈邨 |
原帖由 柔柔 於 2008-9-11 03:54 發表 多謝你~ 不過其實我只係"神"下姐, 搬新屋始終係好開心~ ^ ^ |
||
|
|
|||
|
心情動態：
來自彩盈邨 |
DAVE:
水水跟我說的,"以後可以安安樂樂過日子了.!" chris說"租私人屋住的日子不在了,.新生活開始!" 
|
||
|
|
|||
|
心情動態：
來自非公營房屋 |
DAVE,
我諗我應該係最明白你尋日苦況既一個. 條樓梯我知要俾按金, 我唔俾, 所以次次搬報紙去平台換野個下好慘. 條斜路, 係去彩盈最近既一個出口. 我其實都好唔明點解成日要長期閂住. 淨係垃圾車, 救護車先可以用, 搬黎個時要係則邊斜路下面個出口落野, 好辛苦. 呢排行多左條私家斜路, 都發覺個幾個"食蕉"既態度好差. 放狗個d人唔問, 門照開, 我地行既就問你係唔係住戶, 問個下都覺得好慶架. 因為我覺得要入呢個屋苑, 唔係一定要你呢個出入口先上到黎. 問黎好似有d多餘.  (當然我明佢地係責任問題)至於你話你得寶樓下個管理員, 咁我覺得我比你好彩, 換左公司之後. 我呢座個日更姐姐轉埋黎, 所以新舊公司都係同一個, 而且好好人, 見我地拎野多, 一定幫下手開門. 講d仲巧合野你知啦, 有一晚去pegpeg屋企食飯, 走既時候見到盈樂個食蕉姐姐就係我呢座之前個夜更, 不過驚佢認唔到我, 所以無打招呼. 點知前2日係盈富又撞到佢wo, 佢仲認到我, 即刻走黎同我打招呼, 仲記得我住呢度幾樓添呀, 你話係咪好巧合呢. 原來佢係頂人放假個d, 座座都有機會坐.  不過真係換左管理公司之後, 我覺得真係差左好多囉, 之前個間都唔係咁差. 睇黎我都要多d去參加業主立案法團既會, 反映一下先得喇.  不過聽你講今次係第三次派屋又同依家咁近wo. 唔使適應新環境, 我都好感受到你既喜悅, 好替你開心囉. 
|
||
|
|
|||
