市面上九成九嘅歐洲機 都係高水位去水
市面上九成九幾日本機 都係低水位去水
高水位去水要有u型聚水。。水泵先至能夠泵到水。。 不至於會有airlock 狀態。。。 歐洲機機底喉如果冇水而有氣係泵唔走D污水。。。個泵仔只會喺度轉空氣。。。 所以要養水
日本機排水唔係用泵仔而係用電索。。 即係電閥門( 你可以理解為磁控開關)。。。 總之有信號畀電索線圈通電 產生磁力。。 閥門芯就會索起。。之後不停咁放水。。 達到排水效果。。。要儲水就 只需要 唔畀電索掣。。。就會自然關閉排唔到水
所以歐洲机同日本機嘅排水。。。 係兩回事.
而家嘅產品好容易令人混淆。。 唔好理佢大陸做韓國做英國做澳洲做既机種幾款 我再解釋得清楚啲
唔理係邊個國家做。。。 所有大眼雞款式 都統稱叫為歐洲機高水位去水。。。 揭頂式歐洲機 你打開個頂蓋 入邊有個好多窿嘅 不銹鋼滾筒 打開方法好似抽獎箱咁。。 得一個長方形窿塞啲衫入去跟住冚滾桶蓋再冚頂蓋先洗到衫。。 呢一種頂揭頂式 亦都係統稱為歐洲機種。。。 歐洲機最大嘅特點就係鬼死咁重
日本機系
幾乎全部都係頂揭式
入邊有個膠內膽內膽底會有塊好似風車咁嘅嘢
或者中間有條芯凸上嚟
落粉就咁喺面倒落去 啲衫嗰度 柔順劑就會喺桶邊有一條坑喺嗰度到入去 呢一類型用電索開關放水 統稱為日本機種。。 大多數都係低水位去水 即係唔使吊高條去水喉。。吊高咗係去唔到水嘅 日本機最大嘅特色係 部機冇水果陣 機身輕。。。C9 都推得旭本帖最後由 大倫 於 2018-04-28 10:22:23 編輯
