逾兩成單位不足300呎 房委會委員：無助房屋階梯

miss11

逾兩成單位不足300呎　房委會委員：無助房屋階梯

清楚什麼????  ---- 他們份糧, 同誰人做老闆

房委會新一期居屋將於5月接受申請，6個屋苑分別為何文田冠德苑、長沙灣凱德苑、葵涌尚文苑、將軍澳雍明苑、馬鞍山錦暉苑及沙田旭禾苑，合提供4,871個單位，售價介乎156萬至529萬元。

據了解，今期推售的居屋有逾兩成單位面積只得200多平方呎，而可間隔三房的面積500平方呎以上的單位，亦僅得360多個，佔今次銷售計劃不足一成。

有房委會成員指，當局應為居屋及綠置居等可購買資助出售房屋，設立標準面積，「如果居屋都賣咁多細單位，同公屋單位差唔多大細嘅話，根本建立唔到一個好嘅房屋階層。」

僅7.5%單位可間三房

據了解，今年5月推售的居屋，主打中小型單位。消息透露，有1,075個單位面積介乎280至300平方呎，佔今次推售單位約22%，相信只能間成一房單位。可間隔成三房單位的500平方呎以上單位，則只得367個單位，並主要集中於冠德苑及雍明苑，佔全部推售單位約7.5%。

餘下單位面積介乎355至460多平方呎，相信大部份可間隔成兩房單位。

房委會資助房屋小組成員、公屋聯會總幹事招國偉指出，留意到過去推售的居屋，似乎一直有減少三房大單位的趨勢，認為背離政府提倡要重建房屋階梯的目標，「如果居屋起出嚟，同公屋唔係差太遠，變相公屋居民未必有興趣置業，亦好難吸引多啲家庭申請者上車騰空公屋，甚至係上車後都唔似可以改善居住空間。」

應劃分各類房屋面積

招國偉認為，房委會應考慮為綠置居及居屋訂立標準面積，例如前者標準下限面積應有300多平方呎，而居屋則應訂為400多平方呎。他指，訂立標準面積後，才能為資助出售房屋劃出更清晰界線，「如果同公屋面積太似，咁又點會有吸引力令大家搬走住緊嘅公屋呢？如果做唔到呢樣嘢，又點令房屋階梯變得清楚、睇到唔同種類嘅房屋嘅獨特性呢？」

SLLAM

使乜吸引力啫，用高壓手段咪得囉！
由明日起，公屋戶收入限額改為每人萬五蚊，資產每人30萬，甚至乎，超過一半家庭成員50歲以下，又或者，已經連續住滿20年，統統冇得留低。跟著政府就話：細面積嘅綠置居需求殷切呀~

Kkball

Woo

SY301

Eiffel

使乜吸引力啫，用高壓手段咪得囉！
由明日起，公屋戶收入限額改為每人萬五蚊，資產每人30萬，甚至乎，超過...
SLLAM 發表於 2019-03-13 17:55:37 原文

道理顯而易見，越係多人申請居屋/綠置居，房署便會變得越刻薄。

過埋今期2019居屋之後，買居二會好過買新樓。
只不過，政府遲遲唔肯提高房署的30年擔保期限。

mimemike85

清楚什麼????  ---- 他們份糧, 同誰人做老闆
miss11 發表於 2019-03-13 17:42:44 原文

呢個「招國偉」係兩頭蛇，
一時幫公屋人講嘢，話新居屋越起越細，
難以吸引公屋住戶，放棄公屋戶籍，
用公屋換居屋，話吸引太細，
難以令公屋加快流轉。

琴日上新聞就講，話要減低居屋綠表比例，
令更多白表能夠抽中居屋，話因為而家有「綠置居」。
。。。。。。。。。。。。。。。。

呢條友，一時幫公屋人，一時幫白表人。
想食兩家茶禮。

白表而家每年都有「白居二」啦！
五五比例唔應該再減綠表

波波豬

睇到佢個樣都知佢唔係正人君子

ivytsang1128

mimemike85

睇到佢個樣都知佢唔係正人君子
波波豬 發表於 2019-03-13 19:33:09 原文

我冇屈「招國偉」佢講左幾次，
話要減低「居屋既綠表比例」
琴日新聞又講，話要俾多d機會白表，
「招國偉」要將
「綠表五成比例」減低至「綠表四成比例」！

招國偉咁講，綠表少左居屋一成比例，
咁又點可以加快公屋流轉呀？
兩頭蛇
。。。。。。。。。。。。。。。。。。。。
公屋聯會總幹事招國偉認為，新一期居屋主要位於市區及擴展市區，地理位置便利，相信會受歡迎。他認為居屋售價按市民負擔能力調整至市價59折是可以接受，但認為在綠置居恆常化後，仍維持綠白表各佔一半的比例，不利白表市民置業，建議調整綠白表比例至四六比。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

Damon.L

回應 #9 mimemike85

綠置居恆常化後居屋本身就唔應該再有綠表限額
只係因為當初複建第一期時為左數字上可以靚仔啲(騰出公屋過千户)
而設左綠白各半 後面幾期焗住跟

其實綠置居又係公屋咁既樣 居屋又都係公屋咁既樣 仲要綠表先申請得綠置居 如果唔係為左篤靚個數字 我都唔明點解居屋都要 設綠表quotas
政府係想“益”公屋户易買樓既 嗰期咪賣多啲所謂既“綠置居”
相反想用公營房屋壓低個市 嗰期咪賣多啲所謂“居屋(只限白表)”

一切都係政治上的數字遊戲 其實最後都只係淪落到變成大抽獎