琴日拎左鎖鑰,呢度好多師兄師姐有分享點樣自己驗樓,自己簡單check左次。一直都好擔心質素問題,但實物比想像中好好多
地下平整,手機有水平儀每個地方都放喺地下量下,好彩無乜唔平嘅地方,應該唔使再重鋪,好好彩亦都好似無水印,亦無好似個別嘅師兄師姐有d正方形印喺度。牆身、天花都幾平整,亦無印。
門窗全部試左無問題,都唔算難推開。
水喉去水無問題,沖廁力都算唔錯。
廁所同廚房都無空心磚。
每個電掣都試左有電。不過燈未試,因為帶左燈泡無帶到凳
過兩日先試啦唯有。
不過見大廳窗外個衫架有粒鑼絲爛左,會填form叫人整,執修要7日內,有d趕
仲未約師傅。
經過垃圾房發現有4色回收箱,正啊,唔使儲埋一次過拎落樓下,應該每層都有。
大家都幫下眼,見倒有問題麻煩話我知
另外都試左海盈間燒味,下午茶抵食,味道算唔錯啦!