住公屋比起住居屋或私樓有咩好處？

LIUZL1117

住公屋比起住居屋或私樓有咩好處？

D人話上到公屋人生已經贏左六成，係咪自我安慰？

Oreocola

而家樓價咁貴 要儲幾耐先儲到首期上車? 租樓租金又貴 租唔起一間樓，租劏房都唔見得平，地方又細，租樓又驚業主加租迫遷。排公屋閒閒地都等7 8年先有得上樓，所以你自己諗下……排到公屋上樓 起碼有屬於自己一間屋  有瓦摭頭，租點都平過你出面租私樓!

SLLAM

係瞎子摸象，只睇到事物嘅一部份，就以為全部。公屋固然有平租、加租慢、政府包維修等優點，但資產限額太低，低到唔夠用嚟養老，除非你好肯定老咗一定有綜援可以攞，或者你啲仔女一定養得起你，否則你係無法住到老

sallyjeffy

回應 #1 LIUZL1117

短暫來說、係

hkrpa91

住公屋是先甜後笨 貧窮循環 年青時因租平 可以生多一两個 但子女多 無餘錢 年老子女搬走無收入 子又養子無錢比 做窮人食老綜 100人中只有數人可脱貧 私樓居屋要供樓 只能生一個 老了可入老人院 樓可給子 人丁單 不婚 無後多

gt1205

D人話上到公屋人生已經贏左六成，係咪自我安慰？
LIUZL1117 發表於 2019-08-07 20:09:31 原文

講句實話，所謂買樓有自己嘅物業，樓未供完都係屬於貸款銀行，供十幾廿年，千祈要保佑收入穩定咪斷供，否則前功盡費！平均每月差响地租管理維修費已相當於每月公屋租金，樓價利率亦可升可跌，以最差角度計利率升要供多啲，樓價跌變負資產，最好角度計利率跌供小啲但一樣要供，樓價升你唔會賣，因為賣咗冇地方住，公屋除咗收入資產有限制外，唔犯房署條例基本上可住一世，所以排咁耐都大把人排就知係好嘢！

Yolaivan

住公屋是先甜後笨 貧窮循環 年青時因租平 可以生多一两個 但子女多 無餘錢 年老子女搬走無收入 子又養子無...
hkrpa91 發表於 2019-08-07 21:14:09 原文

好多公屋老一輩都係住公屋。。錢拎哂買股票基金同返大陸買樓，仔女又可以買到樓。。。反而住私樓既老一輩仔女要排公屋住

hkrpa91

58便可排長者優先公屋 私樓老人除名 樓比子女 自己排公屋 上樓後三年換居屋

wmz

回應 #8 hkrpa91

偉大的父母，做你個仔好幸福。

KongK