租置單位繼承權問題

Saveas

租置單位繼承權問題

我打算用最近的優惠價買下現居的租置單位，因我打算在國外工作，所以會以媽媽名做業主，哥哥會以住戶身份居住在內，但為免以後有爭拗，想請問如媽媽仙遊後該單位繼承權的問題：

1. 如媽媽平安紙上說明該單位在媽媽去世後歸我，哥哥的住客身份會否有繼承權？抑或平安紙優先？(因擔心我會長時間不在港及住戶沒有我名) （哥哥本想除名，但沒新住址証明..）

2. 如果我做業主，哥哥和媽媽做住戶，媽媽仙遊後如我打算售賣該單位，哥哥有權反對嗎？

3. 承上題，我和女友剛結婚，這情況她需要加名嗎？她住私樓沒任何物業

cyster2007

1)平安紙優先，問題係平安紙可以再立，你唔能夠排除媽媽調轉槍頭比晒哥哥
2）你係業主佢無權反對
3）你地現在買左佢，房署就唔會理你婚姻狀況，一直唔買的話，到要審查時你就要上報婚姻狀況

輝anby

平安紙要係律師樓辦理才承認，唔係係屋企填張紙當有效，真坳一定有，已經太多例子，一講到金錢同物業，兄妹都會反面，所以要大家坐低溝通清楚，你可以叫你大哥自己再申請公屋或抽居屋

978212

你根本唔應該買，要買都係你阿哥，你買咗，將來你阿媽留畀你，你阿哥住邊?如果都唔買，你阿媽走咗，如果你阿哥審查通過，可以繼續住落去嘅，做人唔使去咁盡嘅。

running

你根本唔應該買，要買都係你阿哥，你買咗，將來你阿媽留畀你，你阿哥住邊?如果都唔買，你阿媽走咗，如果你...
978212 發表於 2020-09-28 21:43:13 原文

同意，最緊要你哥同唔同意你買？
兩兄弟都應該有份，只比其中一方，另一方會有爭拗
不過答番你問題，你哥可以除名，佢唔需要住址證明㗎，最緊要戶主去搞，簽番個名

nak

如果層樓係你買、或者有份供既、都可以做聯名業主。
好過立平安紙、日後轉名仲要比律師費。

Saveas

回應 #4 978212

啊哥無錢買，始終每個月比緊既租都係錢黎，同埋呢加有優惠，兄弟相見好同住難，之後都好難一齊住既我唸。

Saveas

回應 #5 running

啊哥都原則上同意我買，我目前都有舊錢可以拎黎買。我有問過佢會唔會唸住出一部分，佢都係話現時未有足夠經濟能力去幫手。

另外我都問左房委佢地，如果要除啊哥名，就要有佢既住址證明。淨係我佢同意簽字除名係唔夠。

978212

回應 #7 Saveas

咁你更唔應該買，要留畀佢住，佢通過審查就可以繼續住，你能力好過佢，自己想辦法，都係咁句，做人唔好去得太盡。

978212

回應  running

啊哥都原則上同意我買，我目前都有舊錢可以拎黎買。我有問過佢會唔會唸住出一部分，佢都係...
Saveas 發表於 2020-09-28 23:20:18 原文

同埋我唔信佢會同意你買，你買咗將來賣出去佢住邊?除非你使手段或呃佢。