入息低做唔做到居屋按揭？

ChingChing19

入息低做唔做到居屋按揭？

我同父母以綠表申請左今期居屋，父母已經退休，得我一個返工。

如果以我買300萬居屋計，俾5%首期，月供$13000左右。
但我人工只得2萬，供款超過人工的5成，雖然話居屋唔駛過壓測，但我咁既情況，銀行會唔會批出按揭呢？

因為怕到時俾左首期先撻訂，求高人指教。
如果唔批按揭，搵銀行或財仔借錢俾夠1成首期又好無呢？

LLLLSY

建議到時問多幾間銀行，唔好只搵一間。
有可能A銀行唔批，B銀行批。做足準備

gt1205

回應 #1 ChingChing19

銀行批唔批我就唔肯定，但剩返七千蚊左右夠唔夠兩老同埋你要返工嘅使費？仲未計入伙後水電煤管理差响地租！

粒粒野哥哥

我同父母以綠表申請左今期居屋，父母已經退休，得我一個返工。
如果以我買300萬居屋計，俾5%首期，月供$13...
ChingChing19 發表於 2021-03-10 15:16:28 原文

好多人都話居屋按揭政府擔保, 無收入都照批 (前題係無差銀行數, 無做人地擔保, 最終人地唔還自己又唔幫人還之類既不良貸款紀錄)相信就唔駛擔心太多嘅, 不過去銀行問下就穩陣啲

唔係居屋咁計, 財仔果啲高息, 你借完都要還錢, 要還果筆支出喺做壓力測試時, 會先從入息計算上扣除, 供款上限反而仲低咗
e.g. 當你借300萬既5%, 即係150000; 兩年還, 唔計你利息都好, 每個月都要還6250
當你搵$20000一個月, 你壓力測試就會計你入息$20000-$6250 = $13750, 壓測就只可以月供7千幾... 反而仲難做按揭

而且有街數未清, 對壓測黎講都係負面資料... 除非搵到借錢唔駛報環聯, 否則唔係好建議咁做喇

duromeans

相信樓主屋企應該有資產，如果只得咁既收入又要供樓又要比管理費差餉水電等等雜費，分分鐘成分人工無晒。如果打後失埋業間屋會變埋銀主盤，考慮清楚。

ChingChing19

回應  ChingChing19

銀行批唔批我就唔肯定，但剩返七千蚊左右夠唔夠兩老同埋你要返工嘅使費？仲未計入伙後...
gt1205 發表於 2021-03-10 15:40:45 原文

兩老攞緊政府生果金、長者生活津貼，計唔計埋落入息度架？

duromeans

兩老攞緊政府生果金、長者生活津貼，計唔計埋落入息度架？
ChingChing19 發表於 2021-03-10 16:15:46 原文

你指銀行當吾當收入? 應該吾計啦

陳家陸

我上次聽x益地產經紀講，政府擔保係唔理申請人背景，不用通過壓力測試，條件係交還現住公屋，及不能再申請公屋。
但實際上係唔係咁，要問真d先好出手。

ChingChing19

你指銀行當吾當收入? 應該吾計啦
duromeans 發表於 2021-03-10 16:20:53 原文

明白，多謝你解答

ChingChing19

我上次聽x益地產經紀講，政府擔保係唔理申請人背景，不用通過壓力測試，條件係交還現住公屋，及不能再申請...
陳家陸 發表於 2021-03-10 16:22:40 原文

好想搵真實用家解答到我呢個問題