除名問題

petpet1026

除名問題

本人已離婚後再婚，在離婚時子女撫養權被前夫用手段搶去，子女一向唔想同佢哋老豆一齊，而家仲有幾年子女就滿18歲，佢兩個亦講明到時就會離開佢哋老豆，搬嚟同我住，而我本身亦同現任丈夫申請緊公屋，雖然我都知道子女超過18歲我就加唔到佢哋名落我個申請表(因為本人唔係長者，用唔到要照顧我而加佢哋名)，但我都唔想子女搬走咗之後，間三房有套廁公屋益晒前夫同佢個女朋友囉，呢個女人本身亦都對我子女唔好，個女人自己本身亦都係有公屋係戶主，但就搬咗去同佢哋老豆住，我都唔介意屋細要同子女住，但係我真係唔想益咗佢哋有兩間公屋囉！但我聽人講如果戶主唔簽名係除唔到名的，想問下大家嘅意見，我可以點做先幫佢兩兄妹除到名？

zooeleddhh

仔女成年後就可以親自去除名.無需戶主同意。

三房有套廁公屋我估是4-5人單位,
除非前夫同佢個女朋友在仔女除名前結婚並生多一個小朋友,
否則仔女除名後戶籍只會餘下你前夫一人名,
1人住4-5人單位會立即變成優先寬敞戶,房署自然會要佢轉細屋。
另外因為前夫女朋友也是戶主,
如果佢地兩結婚便需要交回其中一間公屋。
但前夫女朋友間公屋如果有其他家庭成員,
有機會轉由其他家庭成員做戶主而保留間屋。

zooeleddhh

另外建議日後可以先讓仔女和你住,戶籍加唔到都唔關要,反正仔女去你到住時已18歲成年,可以讓仔女以兄弟姐妹關係申請公屋,排2人家庭隊,約7年後便會派屋,那就不用太擠迫。

型英帥靚正

真人真事，信我！

唔使戶主，即係你前夫簽名同意，一樣都可以除到兩個仔女名，脫離魔掌，辦法係直接同房署講：『已經有毛有翼自立門戶搬走咗冇再喺度住』，房暑會有一欄備注：『已經搬走』，隨即刪名！

shelton88

仔女成年後就可以親自去除名.無需戶主同意。
三房有套廁公屋我估是4-5人單位,
除非前夫同佢個女朋友在仔女...
zooeleddhh 發表於 2021-08-30 02:41:44 原文

3房2廁單位按今日房署標準係6-9人單位

lokyeechan

回應 #4 型英帥靚正

已經搬走都要提交證明，個個都話已經搬走咁咪少好多富戶少好多人交雙倍租。

Lululi

關係複雜，可將個案直接問房屋署解決方案。

CECICCY

首先係匿名舉報後母另有公屋，有時間俾房署查……幾年後子女年滿十八歲可自行除名搬離，到時兩夫婦就要"寬敞戶"調遷。

美麗港灣w1

冤冤相報何時了,

zooeleddhh

首先係匿名舉報後母另有公屋，有時間俾房署查……幾年後子女年滿十八歲可自行除名搬離，到時兩夫婦就要"寬...
CECICCY 發表於 2021-08-30 10:19:22 原文

佢地兩個戶主一日都未結婚，都可以叫男女朋友關係，所以各自是公屋戶主沒有問題的。但如果男方想仔女離開後保留間大屋，就需要結婚生仔增加人數。