分享遷出通知…上訴的經歷

Komasan

分享遷出通知…上訴的經歷

略略講，佢形式只係好似返公司開會咁，一個meeting room，張大枱，咁有三四個委員會代表，會同你打對面坐，
同埋幾個你區房署既職員，坐側邊，如有旁聽既親人坐後面，形式好輕鬆。
基本上如果你唔好彩，中左房署啲形同虛設既法例，結果都唔會有咩大改變，唔好諗住真係咁正義俾你上訴幫你，欠租嗰啲就易啲，你交返錢同準時交租就可以。

重點主要想放負～～～

我係因為一個人渣唔交入息審查，搞到要俾人迫遷，今日先知原來存心想做戶主，話想加佢老婆個名，然後刪除埋原本住緊呢間屋既人個戶籍，真心癲，根本就算佢做戶主都無能力刪除其他人個名，而佢咁既人格，俾佢做戶主加埋佢老婆兩件極品，大家真係等睇A1，睇我點俾人溶左，之前已經上過來踩場，罵人。人渣三十幾年來對老豆呼呼喝喝，死開前死開後，忽然扮起孝子來～用口抹黑人，踩人抬高自己，呢幾年係得醫生同病房護士先睇穿佢呢個人渣，因為佢做既事完全唔係為病人即係我呀爸著想。
大家睇下佢用咩手段呃社工呃資源，連房署啲人都信晒佢㗎，大家扮慘同夠惡夠大聲就得既喇。

啲大話多到數唔晒，是日精選，歪曲事實最高境界，
?屋企之前換過門鎖，屋企人呀爸呀哥話我得閒叫我搵人換，咁咪搵人換囉 ～
佢自己好耐先上屋企一次（都係拎走屋企雪櫃啲野飲食物就走），佢唔肯講自己住邊，我呀爸都俾唔到新鎖鑰佢，
咁都可以講成係，是因爲我換門鎖，搞到佢無家可歸，事實上換門鎖之前已搬走左好一段時間。
個主席懶正義咁問我一句，咁個鎖係咪你搵人換，咁大家有睇前面段字就的確係我搵人換，
但佢就唔理前文後理，咁大個人做律師做到俾個人渣呃，同時唔會聽人解釋埋，好似真係犯咁定你罪。

同時又話我地掉走佢既財物，事實上最貴重重要既野佢早就拎走晒，只剩下大量垃圾雜物（大量空水樽，免費雜誌報紙傳單，佢係有囤積症，間房滿報垃圾，仲有一份二千年份既報紙喺床下底，大量垃圾唔會睇到地下既階尊，全盛時期夜晚會有5，6隻大強喺成埋垃圾既地下爬，佢老婆都唔知佢真面目，不過咩人就吸咩人，唔抵可憐），做免費清潔工執到半死，啲垃圾多到垃圾呀姐都投訴，要分兩次掉，DLLM仲要被佢講成掉晒佢既唱片，手機同電腦，佢唔報警係因為佢大恩大德，真係火都嚟！
塑造成令人地聽落以為係趕租客嗰種又換鎖又掉走佢野咁趕走佢，最無奈係啲人信，聽到極度唔忿氣，

我就遵守規矩只講返公事唔提家事，條友長篇大論擺明屈我造我，全部都係佢覺得同歪曲事實，個主席可能覺得好有趣好似tvb劇咁，完全無諗住Stop佢，又話唔講家事，而家仲擺明就做我當面屈我，我衰在抵唔住頸，罵個人渣，我解釋就話我講既野無用，條友長篇大論就任佢講，主席話佢話晒事，佢要聽晒就聽晒。我道歉，講對唔住，但無講埋下一句，我係想講「對唔住，因為我以為個世界好公平。」

同埋因為失業，佢有故意諷刺我，但我唔係乞唔係搶，只係想保護返自己擁有既權利，
唔通我就唔配擁有公平既待遇，你都無經歷過我所經歷既事，就將我人格扭曲，當然大家都可以好似班人咁唔信我，我已經有冤無路訴幾年，但我句句屬實！警醒大家世間就係會有呢種人，
同埋話俾大家知，佢呢種人用呢啲故事呃到好多社工，享受緊好多社會資源，
條友疫情之前成日同老婆去旅行，又有收藏奢侈品既集慣，唔係現金資產唔知舉報有無用～歡迎大家教路～
條友仲成日稱自己為基督徒，「可能上帝要你滅亡，必先令你瘋狂。」

呢個世界究竟有無報應～
結果未出，但我已經無咩希望，前段時間因為呢啲事加埋父親既事想過死，而家已經打消了念頭，
就算無得住又好，同呢啲人渣斷絕關係係一件喜事！坐等呢個一等一人渣既報應。

反而最後悔今日既沈唔住氣同失態，的確係要同與會人士人道歉，人地返工都唔想睇到呢啲爭執。

O沛瑜O

理解！世上歪曲事實真理大把呢啲人！
個世界信佢！你就變成大話！
好似睇下邊個講得啱聽！
通常沉唔著氣，係正常！
唉！跟著就講成你有病！
放心！人在做天在看！終有天真相大白！
公道自在人心。最近啲人唔信真，而是認為邊個講得啱聽！
加油?明白你！記住唔好死，放長雙眼睇下佢點！
若然未報只是時辰未到！
同佢斷絕關係都幾好！以後唔需要煩！再唔係自己搬出去住劏房！
就當自己長大了?

楊管

回應 #1 Komasan

房署不接受你單方面申請删除該家庭成員？

O沛瑜O

回應 #1 Komasan

朋友仔～把鎖係房署啫！
換鎖只是不保障日後房署再幫你換鎖，
並不是代表什麼！
你再了解清楚一下先！
唔好比佢打亂?
再者戶主願意提交審查。如戶籍下有人不遵守，
理應是刪除不遵守的人，不是嗎？
所謂主席，即代表你的公屋是完成購買？
如不是關主席咩事？
房署最多逼你大屋換細屋，不是嗎？
唔好自己嚇自己，問清楚先?
記住唔好死，鬥長命，睇吓佢下場！
因為別人令自己要死，哂咗自己條命仔！
因為別人才生存，因別人而死？
唔好比別人影響，前面一片光明等緊你！
要冷靜面對，人生還有很多逆景?

Happymeow

加油，公道自在人心，壞心腸嘅人，一定比天收。

飛faiyu772

回應 #1 Komasan

C兄：呢件事拖咗咁耐仍未解決！有關部門係咪容許你和世伯住在中轉屋？
*真心替你難過，點解會有啲咁嘅呀哥？
*有人對你唔好，你更加要堅強啲，唔好一時意氣做儍事，努力啲為自己活著*

Komasan

回應 #2 O沛瑜O

你點知㗎，條友真係話我情緒有問題?
多謝你既留言同支持，之前諗唔通，而家覺得其實無咩大不了～

Ladycrab

咩人都有，而家攬炒....都好，少緊一樣野同佢個名縛埋一齊，都係個解脫

（我都係相見到同住難）

Komasan

回應 #6 飛faiyu772

係?頭先執野見到房署啲文件，原來單野頭頭尾尾就來搞左成年，真係好浪費時間，
房署啲例真心過時極多漏洞，浪費人力物力，而家交緊7千蚊租….雖然平過出面，但好難埃….
要等出左最後結果先知係咪去中轉屋呀～

前世做左錯事先有呢種家人?有時真係三歲定八十，細個啲鄰居同我呀媽投訴，話佢走去呃人地細路啲錢，
我由細到大都受唔少苦，細個被打同精神折磨，但父母返工無人理，之後呀媽早死情況仲差，
好記得我有次中學儲到幾百蚊諗住聖誕節去買禮物同玩，佢見我有錢，佢就話要去街借住俾佢先，第二日就還俾我，
當然一去無回頭，問佢拎返啲錢，佢仲一副理所當然既樣，唔應你走左去，嗰時我第一次覺得心寒，
衰野數唔晒，仲好意思調轉話人對佢唔好～

同埋佢發現到利用人善心拎到著數開始，個人越來越過份，佢返既工都係喺街利用人善心既（大家估到就估），
佢好鐘意NGO團體/教會，因為好多著數，以前佢返完教會次次都話啲教友請佢去左邊度食飯，但轉頭就數人地啲缺點，
把口要幾毒有幾毒，返工睇邊個同事唔順眼，會耍手段屈同事/拎佢個電話號碼去登記啲野滋擾佢。

大家唔會想像到，希望大家千萬不要遇到佢！

Komasan

回應 #3 楊管

係呀，刪戶唔可以單方面，一定要戶主加佢本人兩個同意先得。
就算好像我呢個個案，佢已經結婚幾年無喺度住，只要佢唔願意除名，個戶籍一直都keep住，
係咪好唔合理呢?